Azərbaycan, Bakı, 30 oktyabr /Trend, müxbirlər E.Tariverdiyeva, T.Cəfərov/
İran "Zülfüqar 91" adı altında genişmiqyaslı hərbi təlimlərə başlayıb. Bu barədə Trend çərşənbə axşamı IRINN telekanalına istinadən məlumat verir.
Təlimlər quru qoşunları və hərbi aviasiyanın iştirakı ilə 3 gün davam edəcək və bir neçə mərhələdən ibarət olacaq. Təlimlər Kirmanşah əyalətinin qərbində yerləşən Gilan-qərb zonasında keçirilir.
Ordu və Hərbi Hava Qüvvələrinin fəaliyyətini koordinasiya etmək üçün oktyabrın 25-də Gilan-qərbdə təlimlərə cəlb edilmiş bölmələrin komandirlərinin müşaviəsi keçirilib.
Təlimlərin məqsədi hərbi hazırlıq səviyyəsinin yüksəldilməsi və qoşunların idarə edilməsidir.
Video Player