Prezident İlham Əliyev: Azərbaycanın bütün yaşayış məntəqələrində dayanıqlı enerji ilə təchizat bizim başlıca vəzifəmizdir (FOTO)

Prezident İlham Əliyev: Azərbaycanın bütün yaşayış məntəqələrində dayanıqlı enerji ilə təchizat bizim başlıca vəzifəmizdir (FOTO)

Azərbaycan, Bakı, 31 yanvar /Trend/

Yanvarın 31-də Azərbaycan Prezidenti İlham Əliyev "Bakıelektrikşəbəkə" Açıq Səhmdar Cəmiyyətinin paytaxtın Nərimanov rayonundakı 110/35/6 kilovoltluq yarımstansiyasının açılışında iştirak edib, həmçinin videokonfrans vasitəsilə Nəsimi rayonundakı 117 nömrəli, Suraxanı rayonundakı "Hövsan", Binəqədi rayonundakı 207 nömrəli, Səbail rayonunun Bibiheybət qəsəbəsindəki 102 və 118 nömrəli 35 kilovoltluq yarımstansiyaların, eləcə də Xəzər, Suraxanı, Sabunçu, Qaradağ, Yasamal rayonları idarələrinin inzibati binalarının və Nəzarət Departamentinin ofisinin açılış mərasimləri olub.

Prezident İlham Əliyevin birbaşa göstərişi ilə 2006-cı ildən başlayaraq paytaxtın ötürücü və paylayıcı şəbəkəsi əsaslı şəkildə müasirləşdirilmiş və bu sahəyə 606 milyon manatdan çox investisiya qoyulmuşdur. Ötən müddətdə 110 kilovoltluq 20 yarımstansiya inşa edilmişdir. Bu, paytaxtın və Abşeron yarımadasının fasiləsiz, dayanıqlı və keyfiyyətli elektrik enerjisi ilə təchizatında mühüm rol oynamışdır. İndiyə qədər 35 kilovoltluq 51 yarımstansiya tikilmişdir. Kompleks tədbirlər hesabına paytaxtın elektrik şəbəkəsinin güc qəbul etmə və paylama qabiliyyəti 80 faizədək artmışdır. Şəbəkənin qoyuluş gücü 2006-cı ildən bəri 3048 meqavoltamperdən 5245 meqavoltamperə yüksəlmişdir. Texniki itkilər isə 8 faizə qədər azalmışdır. Müasir Dispetçer Mərkəzi və dairəvi təchizat sxemi yaradılmışdır. "Bakıelektrikşəbəkə" ASC balansındakı bütün inzibati binaları yenidən qurur və informasiya-kommunikasiya texnologiyalarının tətbiqini də xüsusi diqqətdə saxlayır. Əgər şəbəkə fəaliyyətə başlayana qədər həmin iqtisadi qurum ölkənin paytaxtının sürətli sosial-iqtisadi inkişafı ilə bağlı tələbatdan əsaslı şəkildə geri qalırdısa, indi bu tarazlıq müsbət istiqamətdə əksinə dəyişmiş, paytaxtın perspektiv inkişafına uyğun əlavə texniki və güc imkanları yaradılmışdır. Ümumilikdə, Bakı şəhəri və ətraf qəsəbələrin elektrik təsərrüfatında həyata keçirilən kompleks tədbirlər Azərbaycanın inkişaf modelinin və dövlət quruculuğu fəlsəfəsinin insan amilindən qaynaqlandığının real göstəriciləridir.

Azərbaycan Prezidenti əvvəlcə Nərimanov rayonundakı 110/35/6 kilovoltluq yarımstansiyanın açılışında iştirak etdi.

"Bakıelektrikşəbəkə" ASC-nin idarə heyətinin sədri Baba Rzayev dövlətimizin başçısına yarımstansiya barədə məlumat verdi. O, qeyd etdi ki, bu yarımstansiya 1974-cü ildə Nərimanov rayonundakı sənaye müəssisələrini, o cümlədən Bakı məişət kondisionerləri zavodunu elektrik enerjisi ilə təchiz etmək üçün tikilib istismara verilmişdir.

Ötən müddətdə tamamilə köhnələn həmin energetika qurğusunun yerində perspektiv inkişaf da nəzərə alınmaqla ən müasir standartlara cavab verən yeni yarımstansiya inşa olunmuşdur. Açıq paylayıcı qurğu və yardımçı binaları ilə birlikdə əvvəlki yarımstansiya 16 min kvadratmetrdən çox sahədə yerləşirdisə, qapalı tipli yeni yarımstansiyanın yerləşdiyi ərazi bundan 7 dəfə azdır. Bu yeni energetika qurğusunun qoyuluş gücü 100 meqavoltamperdir. Son illərdə tikilən digər yarımstansiyalarda olduğu kimi, bu qurğunun binası da konstruktiv həlli və memarlıq görünüşü ilə diqqəti çəkir, şəhərin ümumi görünüşünə əlavə çalarlar qatır. Ətrafda böyük bir ərazidə abadlıq və yaşıllaşdırma işləri aparılmışdır.

Yarımstansiyanın girişində ulu öndər Heydər Əliyevin barelyefi qoyulmuş, burada ümummilli liderin və Prezident İlham Əliyevin ölkənin elektroenergetika sisteminin, həmçinin paytaxtın ötürücü və paylayıcı şəbəkəsinin inkişafı üçün həyata keçirdikləri kompleks tədbirlərə dair fotoguşə yaradılmışdır.

Prezident İlham Əliyev yarımstansiyanın dispetçer idarəetmə mərkəzi ilə tanış oldu. Qeyd edildi ki, bu müasir mərkəz fiber-optik kabel vasitəsilə "Bakıelektrikşəbəkə"nin Mərkəzi Dispetçer Xidmətinə - SCADA sisteminə qoşulmuşdur. Bildirildi ki, bu yarımstansiyanın işə düşməsi ilə şəbəkədə 12 faiz güc artımına nail olunmuşdur. Yarımstansiya "Xırdalan" və "Müşfiq" yarımstansiyaları arasındakı dairəvi sxemin tərkib hissəsi olmaqla yanaşı, "Nizami" yarımstansiyası ilə əlaqələndirilmişdir. Yeni yarımstansiya 2-ci 110 kilovoltluq dairəvi təchizat sxeminin yaradılmasında baza rolunu oynamaqla Heydər Əliyev adına neftayırma zavodunun, həmçinin bir sıra digər mühüm sənaye obyektlərinin enerji təchizatının etibarlılığını artırır. Avtomatik açılmalar və güc çatışmazlığı zamanı bu yarımstansiya dövriyyəyə qoşula bilər. Həmin energetika qurğusu Heydər Əliyev Mərkəzi, Heydər Əliyev prospekti, Dövlət Neft Fondu, Azərbaycan Respublikası Dövlət Neft Şirkətinin yeni inzibati binası, yeni inşa edilən Gimnastika Federasiyası, Nəqliyyatın İntellektual İdarəetmə Mərkəzi və digər mühüm obyektləri elektrik enerjisi ilə təchiz edir.

Prezident İlham Əliyev yarımstansiyanı işə saldı.

Yarımstansiya işə düşdükdən sonra paytaxtın Nəsimi rayonundakı 117 nömrəli yarımstansiya və Sabunçu rayon Elektrik Təchizatı və Satışı İdarəsinin ofisi ilə canlı bağlantı yaradıldı. Videokonfrans vasitəsilə Nəsimi rayonundakı 117 nömrəli, Suraxanı rayonundakı "Hövsan", Binəqədi rayonundakı 207 nömrəli, Səbail rayonunun Bibiheybət qəsəbəsindəki 102 və 118 nömrəli 35 kilovoltluq yarımstansiyaların, eləcə də Xəzər, Suraxanı, Sabunçu, Qaradağ, Yasamal rayonları idarələrinin inzibati binalarının və Nəzarət Departamentinin ofisinin açılışı oldu.

Yeni yarımstansiyaların və inzibati binaların açılışı münasibətilə "Bakıelektrikşəbəkə"nin kollektivini təbrik edən Prezident İlham Əliyev dedi:

- Sizi təbrik edirəm. Bu gün Bakı şəhərində çox əlamətdar bir gündür. Bakı şəhərini dayanıqlı elektrik enerjisi ilə təmin etmək üçün bir neçə yerdə gözəl obyektlər açılır. Bu işlər mütəmadi qaydada aparılır və son illər ərzində Bakı şəhərinin elektrik təchizatı böyük dərəcədə inkişaf etmişdir. Əgər əvvəlki illəri yada salsaq görərik ki, işıqla problem həmişə insanları incidirdi. Ancaq Bakı elektrik şəbəkəsini dövlət sərəncamına qaytarmaqla və işləri yüksək səviyyədə qurmaqla biz bütün xoşagəlməz hallara son qoyduq. Bu gün Bakı şəhərində elektrik enerjisi ilə təchizatda heç bir problem yoxdur. Əksinə, ildən-ilə, gündən-günə elektriklə təchizat yaxşılaşır, maddi-texniki baza möhkəmlənir, yeni xətlər çəkilir, gözəl yarımstansiyalar tikilir və beləliklə, şəhərimizin bundan sonrakı dövrdə inkişaf proqramını həll etmək üçün yeni güclər yaradılır.

Ölkəmiz də, Bakı şəhəri də inkişaf edir. Şəhərimizdə çoxsaylı tikinti işləri aparılır, yeni sənaye müəssisələri, iş mərkəzləri, ticarət obyektləri yaradılır. Əlbəttə ki, bütün bu obyektlər qidalanmalıdır. Dayanıqlı elektrik enerjisi ilə təchizat hər bir ölkə üçün başlıca vəzifədir və bunsuz heç bir inkişaf mümkün deyildir. Bu il də bu işlər görülür. Əminəm ki, növbəti illərdə də bu sahədə böyük işlər görüləcəkdir. Dövlət bu sahəyə çox böyük diqqət, qayğı göstərir. Təkcə Bakıda deyil, ölkəmizin bütün yerlərində, bütün yaşayış məntəqələrində dayanıqlı enerji ilə təchizat bizim başlıca vəzifəmizdir. Hazırda ölkədə elektrik enerjisi ilə bağlı hazırda heç bir problem yoxdur. Ancaq ötürücü, paylayıcı xətlər hələ də lazımi səviyyədə deyildir və yaxın illərdə bu məsələ də öz həllini tapacaqdır.

Bu gözəl hadisə münasibətilə, - bu gün Bakının bir neçə yerində gözəl mərkəzlər açılır, - sizi və Bakı sakinlərini ürəkdən təbrik edirəm. Sizə uğurlar arzulayıram.

Sonra Prezident İlham Əliyev yarımstansiyanın 110 kilovoltluq qapalı paylayıcı qurğusu ilə tanış oldu. Burada elektroenergetika sahəsində ən son elmi-texniki yeniliklərə əsaslanan avadanlıq quraşdırılmışdır.

Daha sonra Prezident İlham Əliyev şəbəkənin Tədris Mərkəzinin bu yarımstansiyada yaradılan yeni korpusu ilə tanış oldu. Burada Tədris Mərkəzinin zəngin təcrübəsi əsasında ən müasir tələblərə uyğun hərtərəfli şərait yaradılmışdır. Həmin bazada şəbəkənin əməkdaşları bilik səviyyələrini artıracaq, elektroenergetika sahəsində ən son elmi-texniki yeniliklərlə tanış olacaq, müasir avadanlıq və texnologiyalar üzrə peşə vərdişlərinə yiyələnəcəklər. Həyata keçirilən və perspektiv tədbirlər haqqında stendlər vasitəsilə dövlətimizin başçısına yeni yarımstansiyanın əvvəlki vəziyyəti, istismara buraxılan digər yarımstansiyalar və ofislər, quraşdırılan kabel xətləri, Səngəçal-Xırdalan dairəvi iki şüalı elektrik təchizatı sxemi və sair işlər barədə geniş məlumat verildi. Bütün yarımstansiyalarda olduğu kimi, burada da əsaslı abadlıq və yaşıllaşdırma işləri aparılmış, müasir işıqlandırma sistemi quraşdırılmışdır. Ərazidə inşa olunan yeməkxana da müasir tələblərə cavab verir.

"Bakıelektrikşəbəkə" son illərdə enerji satışı sistemində müştərilərə xidmətin səviyyəsini yüksəltməyi və bu sahədə ən müasir standartların tətbiqini də xüsusi diqqətdə saxlayır. Nərimanov rayonundakı yeni yarımstansiyanın ərazisində inşa olunan Enerji Satışı Departamenti bunun daha bir əyani nümunəsidir. Bu ofis əlavə torpaq sahəsi alınmadan yarımstansiyanın ərazisindən səmərəli istifadə edilməklə tikilmişdir. Həmin inzibati binanın metronun "Bakmil" stansiyası yaxınlığında yerləşməsi abonentlərin, eləcə də işçilərin rahatlığı üçün olduqca əlverişlidir.

Üçmərtəbəli binanın girişində ulu öndər Heydər Əliyevin büstü qoyulmuş, ümummilli liderin və Prezident İlham Əliyevin ölkənin energetika sisteminin inkişafı üçün reallaşdırdıqları tədbirlərdən bəhs edən fotoguşə yaradılmışdır.

Binanın ümumi sahəsi 2700 kvadratmetrə yaxındır. Burada abonentlərin qəbulu və müvafiq xidmətlərin göstərilməsi üçün zəruri şərait yaradılmışdır. Ofis sürətli internet və rabitə şəbəkəsi ilə təmin olunmuşdur. Enerji Satışı Departamentinin daxili tərtibatı özünəməxsusluğu ilə seçilir. İldən-ilə respublikamızın iqtisadi imkanları artdıqca bu cür yenidənqurma tədbirləri də gücləndirilir, əhaliyə xidmətin səviyyəsi ən müasir standartlara uyğunlaşdırılır, əmək şəraitinin yaxşılaşdırılması istiqamətində tədbirlər daha da gücləndirilir.

Enerji Satışı Departamentinin yeni inzibati binası ilə tanış olan dövlətimizin başçısı "Bakıelektrikşəbəkə"nin kollektivi ilə görüşdü.

Kollektiv adından Prezident İlham Əliyevə minnətdarlığını çatdıran Baxış Babayev ötən illərdə dövlətin hərtərəfli dəstəyi ilə paytaxtın energetika sisteminin tanınmaz dərəcədə dəyişdiyini vurğulayaraq dedi:

- Hörmətli cənab Prezident, mən Sizə cansağlığı, xoşbəxtlik arzu edirəm. Bakı şəhərində hazırda 4 milyona yaxın insan yaşayır. Sizin rəhbərliyiniz altında Bakı şəhərinin hava xətləri yer altına keçirilib. Bu cür gözəl binalar, bu cür yarımstansiyalar çoxdur. Hamısını Siz bu xalq üçün yaratmısınız. Biz Sizin arxanızda dayanmışıq. Mən bu yaşda bu sözü deyirəm. Siz respublikamızı yüksək səviyyədə idarə edirsiniz. Şəxsən mən ailəmin adından, öz adımdan, Bakı şəhər elektrik idarəsi adından Sizə cansağlığı, müvəffəqiyyətlər arzulayıram. Həmişə Sizi belə təravətli görüm. Çox sağ olun, zəhmət çəkib bizimlə görüşə gəlmisiniz.

Prezident İlham Əliyev: Sağ olun, mən də sizi təbrik edirəm. Doğrudan da, bu gün çox əlamətdar bir gündür. Bir gündə Bakı şəhərinin bir neçə yerində gözəl açılışlar etdik. İndi yarımstansiyalar belə, saraylara bənzəyir. Biz əvvəlki illəri yaxşı xatırlayırıq. Bu gün də qeyd etdim, əfsuslar olsun ki, "Bakıelektrikşəbəkə" müəssisəsi idarəçiliyə veriləndən sonra vəziyyət yaxşılığa doğru getmədi, daha da tənəzzülə uğradı. Bir neçə il bundan əvvəl mənim göstərişimlə bu müəssisə, bütün bu infrastruktur dövlətə qaytarıldı. O vaxt təftiş aparılanda gördük ki, onu idarəçiliyə götürən xarici şirkət daşı-daş üstünə qoymayıbdır, olan-qalanı da dağıdıb talayıb. Biz bu obyektləri, bu infrastrukturu faktiki olaraq yenidən qurmağa məcbur olduq. Çox şadam ki, sizin kimi dəyərli, qiymətli insanlar bunları qısa müddətdə yaratmısınız və bu gün Bakı şəhərində elektrik enerjisi ilə heç bir problem yoxdur. Burada stendlərdə göstərilən yeni tikiləcək obyektlərin də potensialı hesablanıb ki, biz inşa olunacaq o obyektlərin fəaliyyətinə hazır olaq.

Baxış Babayev: Ulu öndərimiz də bu cür hərəkət edib.

Prezident İlham Əliyev: Bəli, əlbəttə, bu işin bünövrəsi ulu öndərin dövründə qoyulmuşdur. O, 1980-ci illərin əvvəllərində Azərbaycandan gedəndən sonra əfsuslar olsun ki, bütün sahələrdə olduğu kimi, bu sahə də yavaş-yavaş tənəzzülə uğramışdır. Amma bu gün Bakıda və ümumiyyətlə Azərbaycanda elektrik enerjisi ilə təchizat yüksək səviyyədədir. Beynəlxalq agentliklər də, beynəlxalq qurumlar da bunu qiymətləndirirlər ki, elektrik enerjisinin keyfiyyəti də, dayanıqlılığı da yüksək səviyyədədir. Çalışmalıyıq ki, daim bu səviyyəni saxlayaq. Görüləsi işlər çoxdur. Ancaq bu günə qədər görülən işlər deməyə əsas verir ki, gələcəkdə də uğurlar qazanacağıq.

Baxış Babayev: Cənab Prezident, biz hamımız Sizi çox istəyirik. Mən ulu öndərlə işləmişəm. Nazirlər Sovetində də gedib onu görmüşəm. Naxçıvana İğdırdan xətti tikən bizik. Fəxr edirik ki, bizim sizin kimi Prezidentimiz vardır. Biz Sizə minnətdarıq, sağ olun.

Prezident İlham Əliyev: Sağ olun. Yaxşı yadınızdadır, hamımız xatırlayırıq, əvvəlki dövrdə elektrik enerjisi ilə təchizat elə idi ki, bizi təmin edə bilmirdi. Biz məcbur idik enerjini xaricdən alaq. Amma bu gün Azərbaycan qonşu ölkələrə - Rusiya, Gürcüstan, İran və Türkiyəyə, hətta Naxçıvandan Türkiyəyə elektrik enerjisi ixrac edir. Budur, bizim gördüyümüz işlərin nəticəsi.

Baxış Babayev: Onların hamısı Sizin fəaliyyətinizin nəticəsidir. Sizə uğurlar arzulayırıq.

Prezident İlham Əliyev: Sağ olun.

Sonda xatirə şəkli çəkdirildi.

Təhsil müəssisələrində tədrisin kredit sistemi ilə təşkili hansı faydalar verəcək?
Təhsil müəssisələrində tədrisin kredit sistemi ilə təşkili hansı faydalar verəcək?
Ermənistanın çaylarımızı çirkləndirməsi məsələsini müxtəlif səviyyələrdə gündəmdə saxlayırıq - Nazir müavini
Ermənistanın çaylarımızı çirkləndirməsi məsələsini müxtəlif səviyyələrdə gündəmdə saxlayırıq - Nazir müavini
Balın tərkibini və keyfiyyətini necə müəyyənləşdirmək olar?
Balın tərkibini və keyfiyyətini necə müəyyənləşdirmək olar?
Loading Bars
Xəbər lenti
Almaniyada koronavirusla bağlı məhdudiyyətlər ləğv oluna bilər
Türkiyə Ali Məhkəməsinin Baş prokuroru Azərbaycan Baş Prokurorluğunun nümayəndə heyətini qəbul edib
Təhsil müəssisələrində tədrisin kredit sistemi ilə təşkili hansı faydalar verəcək?
Azərbaycanın neft ixracı azalıb
Azərbaycana 65 minə yaxın avtomobil idxal olunub
Milli Məclisin sədri NATO nümayəndə heyəti ilə görüşüb (FOTO)
Azərbaycanın xarici ticarət dövriyyəsi 25 faizə yaxın artıb
Ermənistanın çaylarımızı çirkləndirməsi məsələsini müxtəlif səviyyələrdə gündəmdə saxlayırıq - Nazir müavini
Gürcüstanda teleqüllə Azərbaycan bayrağının rəngləri ilə işıqlandırılıb (FOTO)
Balın tərkibini və keyfiyyətini necə müəyyənləşdirmək olar?
Tərtərdəki güllələnmə hadisəsi ilə bağlı cinayət işi açıldı (ƏLAVƏ OLUNUB)
Ukrayna Azərbaycanın azad edilmiş ərazilərində infrastrukturun bərpası üçün bütün imkanlara malikdir - Ali Radanın deputatı
Xətaidə ağacların qurumasının səbəbi araşdırılır
Ceyhun Bayramov BQXK-ın vitse-prezidenti ilə görüşüb (FOTO)
Əhali ticarət şəbəkələrində nə qədər pul xərcləyib?
Azərbaycanda COVID-19 əleyhinə peyvənd olunanların sayı açıqlanıb
Azərbaycanda 1 245 nəfər COVID-19-a yoluxub, 13 nəfər vəfat edib
Mingəçevir Dövlət Universitetində Müstəqilliyin Bərpası Günü qeyd edilib (FOTO)
ADA Universitetində Tələbə Klublarının ilk sərgisi keçirilib (FOTO)
Xüsusi Təyinatlı Qüvvələrdə taktiki-xüsusi təlim keçirilir (VİDEO)
Fəxrəddin Altun Azərbaycanı təbrik edib (FOTO)
Rasim Quliyevin işi üzrə icra başçısı dindirilib
Xudafərin körpüsünün azad edilməsi tarixi əhəmiyyət daşıyır - Hərbi ekspert
AQTA “Nəlbəki” restoranında pozuntu aşkarlayıb
Toya gedən koronavirus xəstəsi saxlanılıb (FOTO/VİDEO)
Azərbaycanda əməliyyat: 23 nəfər saxlanıldı, 34 kiloqramdan artıq narkotik aşkarlandı
Ukrayna şirkətləri Ağdam şəhərinin bərpasında iştirak edə bilər - Ukraynalı deputat
Müstəqilliyin Bərpası Gününə həsr olunmuş tədbir keçirilib (FOTO)
Aİ bir milyard dozadan çox koronavirus vaksini ixrac edib
İsrail və Azərbaycan regionda ümumi maraqları olan yaxşı tərəfdaş və müttəfiqdir - Sabiq vitse-spiker
Azərbaycanda bu işçilərin maaşı artıb
Meyxanaçı Cavid Sumqayıtlının həbs səbəbi məlum oldu - RƏSMİ
Fransa səfiri Azərbaycan Müstəqilliyinin Bərpa Olunması Günü ilə bağlı bəyanat yayıb
Bitkoinin qiyməti 62 min dolları ötüb
BDU-da da koronavirusa yoluxma halı qeydə alınıb
Xəzərdə zəlzələ olub
Lökbatan qəsəbəsində şəhid Şaiq Kəlbiyevin anım mərasimi keçirilib (FOTO)
Ombudsman Vətən müharibəsinə dair hesabatın təqdimatı ilə bağlı Türkiyəyə səfərə gedib
Azərbaycanla Qətər arasında Komissiya iclasının Protokolu imzalanıb
Cinsi təcavüzlə bağlı cinayət işi İstintaq idarəsinə həvalə edilib
18 Oktyabrın Dövlət Müstəqilliyinin Bərpası Günü adlandırılması tarixi ədalətə tam uyğundur - Deputat
Bərdədə törədilən qətlin istintaqı yekunlaşıb
ABŞ-ın sabiq dövlət katibi koronavirusdan vəfat edib
Tarixi Xudafərin körpüsündən FOTOREPORTAJ
Rusiya NATO-dakı nümayəndəliyinin işini dayandırır - Lavrov
Universitetdə Müstəqilliyin bərpası günü ilə əlaqədar elmi-praktik konfrans keçirilib (FOTO)
Avropa İttifaqının xüsusi nümayəndəsi Azərbaycana gəlir
Sökülən evlərə və obyektlərə təzminat necə hesablanır?
ÄSTHETIK LAB saç tökülməsi problemindən qurtulmanıza kömək edəcək
İranda daha 181 nəfər koronavirusdan ölüb
Ermənistanın dirçəlməsi, inkişafı qonşuları, xüsusilə Azərbaycan ilə sülh şəraitində yaşamasından asılıdır - Deputat
Türkiyənin Milli Müdafiə Nazirliyi Azərbaycanı təbrik edib
Nazirlikdən tikinti şirkətlərinə XƏBƏRDARLIQ
Bakcell Bakının mərkəzində yenilənmiş konsept mağazasını təqdim edib (FOTO)
İsmayıllı meşəsində qanunsuz ağac kəsilib
Azərbaycan Dillər Universitetində “Çunyan” Çin bayramı qeyd olunub
Bölgədə sülhün təmin olunmasında dəstək göstərməyə hazırıq - NATO
“Startap” şəhadətnaməsi almış sahibkarların sayı 19-a çatıb
Texniki Universitetdə bir neçə qrup koronavirusa görə distant təhsilə keçib
Azərbaycan Avtomobil Federasiyası “Time Attack” yarışı təşkil edib (FOTO)
Vilyam Hacıyevin səhhəti il bağlı yayılan məlumatlar həqiqətə uyğun deyil - Nazirlik
Bakıda şadlıq sarayının rəhbəri cəzalandırılıb
Azərbaycan qaz ixracını 30 faizdən çox artırıb
Xudafərin və ətraf ərazilər bir nəfər də itki vermədən azad edilib - Əməliyyat iştirakçıları (FOTO/VİDEO)
Rusiyada koronavirusa yoluxanların sayı 8 milyonu ötüb
ABŞ-ın altı şəhərində “Azərbaycan Günü” elan edilib
Zərərli proqrama yönləndirən məktub ala bilərsiniz - Kaspersky xəbərdarlıq edir
Məqsədimiz çox qısa müddətdə Azərbaycan və Türkiyə arasındakı ticarət əlaqələrini 15 milyard dollar səviyyəsinə çatdırmaqdır - Mahmut Asmalı (VİDEO)
Yaxın günlərdə maaş və pensiyaların artırılması ilə bağlı təkliflər Nazirlər Kabinetinə təqdim olunacaq - Nazir
Yunanıstanda Pekin Qış Olimpiya Oyunlarının məşəli yandırılıb
Balakəndə karantini pozan toy sahibi cərimələnib (FOTO/VİDEO)
Bakıda 20 nömrəli məktəb distant tədrisə keçib - RƏSMİ
Kapital Bank 2021-ci ilin üçüncü rübünün nəticələrini elan edib
Xəzər rayonunda Vətən müharibəsi şəhidi Vüsal İsmayılzadənin doğum günü qeyd edilib (FOTO)
Prezident İlham Əliyev: Xudafərin körpüsü Azərbaycan xalqının istedadının sübutudur (VİDEO)
“Azərbaycan Sənaye Korporasiyası” Dövlət Müstəqilliyinin Bərpası Gününə həsr olunmuş ağacəkmə aksiyası keçirib (FOTO)
Azərbaycan rəsmi Yerevan barəsində təxirəsalınmaz tədbirlərin tətbiq olunmasına çağırıb
Azərbaycanda əmək müqaviləsi ilə çalışan Türkiyə vətəndaşlarının sayı 4 mindən çoxdur - Nazir
Sabah Bakıda yağış yağacaq
Birinci vitse-prezident Mehriban Əliyeva: Qoy Azərbaycanın dövlət müstəqilliyi, ölkəmizdəki sülh və əmin-amanlıq əbədi olsun! (FOTO)
Mövlud Çavuşoğlu Azərbaycanın Müstəqilliyinin Bərpası Günü ilə bağlı paylaşım edib
Azərbaycan və Türkiyənin sosial sahədə əməkdaşlıq əlaqələri genişlənəcək (FOTO)
Ermənistan tərəfindən əməli addımlar müşahidə etmirik - Nazir
Mətbuat Şurasının İdarə Heyətinin üzvü beynəlxalq tədbirdə iştirak edib
Prezident İlham Əliyev: Ulu Öndər hakimiyyətə qayıtdıqdan sonra müstəqilliyin yenidən itirilməsi təhlükəsinin qarşısı alındı
Sosial təminat növləri üzrə ödəniş dörd faizə yaxın artıb
Oktyabrın 18-də xalqımızın müstəqil, azad yaşamaq arzusu reallaşıb - Səttar Möhbalıyev
PAŞA Bank “SIBOS 2021” Beynəlxalq Bankçılıq Forumunda iştirak edib
Rezidenturanın boş qalan yerlərinə qəbul elan edilib
Ermənistanın mina xəritələrini verməməsi bərpa işlərinə xüsusi əngəl törədir - Ceyhun Bayramov
Revanşist qüvvələrə tövsiyəmiz odur ki, yanlış yolla getməsinlər - Nazir
Prezident İlham Əliyev: Zəngilan, Qubadlı, Kəlbəcər və Laçının baş planları hazırlanır, heç bir kredit götürmədən biz bu işləri görəcəyik
Prezident İlham Əliyev: Füzulidə kəndlərdə hər bir evin təqribən ən azı 12 sot torpağı olacaq
Prezident İlham Əliyev Türkiyənin əmək və sosial müdafiə nazirini qəbul edib
Füzulidə işğal muzeyi, Memorial Kompleks və ona bitişik Zəfər parkı salınacaq
Prezident İlham Əliyev Qətərin Baş nazirinin müavinini qəbul edib
Prezident İlham Əliyev: Azərbaycan xalqı yorulmadan Qələbəyə doğru addımlayırdı
Prezident İlham Əliyev: Füzulinin azad olunması xəbərini çatdıranda bütün dünya gördü ki, biz öz şərəfli missiyamızı sona qədər yerinə yetirəcəyik (TAM NİTQ)
Qətər şirkətləri azad edilmiş ərazilərdə bərpa işlərinə cəlb edilə bilər
Prezident İlham Əliyev: Tarixi Qələbəmiz həm ölkəmizin, həm də bütövlükdə regionun inkişafında yeni dövrün başlanğıcıdır
Bütün xəbərlər