Azərbaycan, Bakı, 22 fevral /Trend/
Ermənistanda prezident seçkilərinin saxtalaşdırıldığını və özünün prezident seçildiyini bəyan edən İrs Partiyasının lideri Raffi Ovannisyanın tərəfdarlarının Yerevanın Azadlıq meydanında nümayişi başlayıb. Bu barədə Trend cümə günü Ermənistan KİV-ə istinadən məlumat verir.
Nümayişə Ovannisyan ilə yanaşı, təşviqat kampaniyası ərzində aclıq aksiyası keçirmiş prezidentliyə sabiq namizəd Andrias Qukasyan da gəlib. Jurnalistlərlə söhbətdə Qukasyan bildirib ki, Ovannisyanı dinləməyə gəlib.