Azərbaycan, Bakı, 17 aprel /Trend/
Ermənistan Milli Konqresi (EMK) aprelin 30-da Azadlıq meydanında nümayiş keçirəcək. Trend-in Ermənistan KİV-ə istinadən verdiyi məlumata görə, bunu EMK üzvü, Yerevanın sabiq meri Vaaqn Xaçatryan mətbuat konfransında deyib.
Onun sözlərinə görə, nümayişdə EMK-nın lideri Levon Ter-Petrosyan mütləq iştirak və çıxış edəcək.
Xaçatryan ümid etdiyini bildirib ki, həmin gün EMK-nın əməkdaşlıq etdiyi digər siyasi qüvvələrin nümayəndələri də çıxış edəcəklər.