Azərbaycan və Səudiyyə Ərəbistanı (SƏ) arasında iqtisadi əməkdaşlıq üzrə hökümətlərarası komissiyanın növbəti toplantısının ilin sonunadək keçirilməsi planlaşdırılır. Bu barədə Trend ə Azərbaycan hökümətindən məlumat verilib.
Yaxın vaxtlarda tərəflər toplantının gündəliyinin və toplantı çərçivəsində imzalanması planlaşdırılan sənədlərin hazırlığına başlayacaqlar.
Bu, hökumətlərarası komissiyanın üçüncü toplantısı olacaq. Hökümətdən bildiriblər ki, Azərbaycan tərəfi artıq növbəti toplantının gündəliyinə daxil etmək istədiyi təkliflərini hazırlayıb və SƏ hökümətinə təqdim edib. Təkliflər hazırda SƏ hökümətində nəzərdən keçirilir. Təkliflər ikitərəfli ticari-iqtisadi, mədəni, elmi-texniki münasibətlərə aiddir.
Xatırladaq ki, komissiyanın həmsədrləri Azərbaycan höküməti baş nazirinin birinci müavini Yaqub Eyyubov və SƏ-nin sənaye və ticarət naziri doktor Həşim Abdulla Yəmənidir.