Azərbaycanın Goranboy rayonunda fəaliyyət göstərən müxalifət partiyaları yanvarın 16-da saat 11.00-da rayonun mərkəzində etiraz aksiyası keçirəcəklər. Bu barədə Trend ə Azərbaycan Milli İstiqlal Partiyasının (AMİP) Goranboy rayon təşkilatının sədri Fəqan Məhərrəmov məlumat verib.
Müxalifət partiyaları Azərbaycanda enerjidaşıyıcılarının, suyun, ərzaqın qiymətinin artmasına etiraz edirlər. Şəhərin mərkəzində keçirilməsi nəzərdə tutulan mitinqlə bağlı rayon icra hakimiyyətinə müraciət edilib. AMİP təmsilçisi bildirib ki, icra hakimiyyətinin müraciətə hansı cavabı verməsindən asılı olmayaraq, partiyalar bu aksiyanı keçirməkdə israrlıdırlar. Etiraz aksiyasında AMİP, AXCP, Müsavat, Ümid və digər partiyaların fəallarının iştirakı nəzərdə tutulur.