Azərbaycan, Bakı / Trend müxbir S.Əliyev / Azərbaycan Dövlət Neft Şirkəti (ARDNŞ) Gürcüstanın Batumi limanından mənfəət neftinin tanker partiyasının satışı üçün tender elan edib. ARDNŞ-dən verilən məlumata görə, tender 600 min barel neftin yüklənməsi üçün elan olunub. Yüklənmə martın 20-dən 21-dək həyata keçiriləcək. Tender fevralın 28-də yekunlaşdırılacaq.
Batumi neft terminalı ildə 15 mln. tona qədər neft yükünü yükləyib boşaltmağa qadirdir. Aframax sinifli gəmilər üçün daşınan buy da daxil olmaqla, terminal dörd körpüdə 30-90 min ton dedveytli tankerlərə xidmət göstərir. Hazırda terminalın çən parkının gücü təxminən 530 min ton təşkil edir, bu isə dəhlizdən keçən cari və proqnozlaşdırılan həcmlərin yüklənib boşaldılması üçün kifayətdir.