Azərbaycan, Quba / Trend , müxbir A.Qafarov/ Qubada aşkarlanan kütləvi məzarlıqda aparılan arxeoloji qazıntı işləri son beş gün ərzində genişlənib. Nəticədə, qazıntı sahəsinin birinci və ikinci kvadratlarının kəsişdiyi ərazidə 4 kəllə və əza sümükləri tapılıb. Quba soyqırım ekspedisiyasının rəisi Qəhrəman Ağayevin verdiyi məlumata görə, aşkarlanan kələlərin biri 14-15 yaşlı uşağa, 3-ü isə yaşlı insana məxsusdur. Həmçinin, onun sözlərinə görə, qazıntı sahəsində etnoqrafik əşyalar izlənilmir. Bu bir daha sübut edir ki, yeni aşkarlanan insan qalıqları, əvvəlkilər kimi, soyqırıma aiddir.
Aprelin əvvəllərində Qubada yeni şəhər stadionu tikilən zaman kütləvi insan məzarlığı aşkarlanıb. Bundan sonra ekspertiza qrupu yaradılıb və ilkin olaraq 100 kvadratmetr ərazi qazılıb və 50-yə yaxın insan sümüyü müəyyənləşdirilib. Ekspertiza qrupunun üzvləri və tarixçilər kütləvi insan məzarlığının 1918-ci ildə ermənilərin Qubada azərbaycanlılara qarşı törətdikləri soyqırım nəticəsində yaradıldığını bildiriblər. Öldürülənlər arasında dağ yəhudilərinin də olduğu qeyd edilir. Araşdırmalar başa çatdırıldıqdan sonra, həmin ərazidə soyqırım abidəsi ucaldılacaq.
Quba paytaxt Bakıdan 170 kilometr şimalda yerləşir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
081218_2.jpg)
.jpg)
