Azərbaycan, Bakı / Trend müxbir E.Hüseynli/ Azərbaycanda qeyri-sabit hava şəraitinə görə məktəb və bağçaların fəaliyyəti 3 gün dayandırılıb, bazar ertəsi Təhsil Nazirliyindən məlumat verilib.
Son 3 gündə Azərbaycanda temperatur aşağı düşüb və güclü qar müşayiət olunur. Ölkənin cənub və şimal refionlarında qarın hündürlüyü yarım metrə çatıb. Paytaxt Bakıda da dumanlı və güclü qar qeydə alınıb. Yollar buz bağladığından nəqliyyat vasitələrinin hərəkəti iflic vəziyyətinə düşüb.
Məlumata görə, qeyri-sabit hava şəraitinə görə məktəb və bağçalarda dəvamiyyət aşağı düşüb. Ona görə də Təhsil nazirliyi yanvarın 7, 8 və 9-u orta məktəb və bağçalarda tətil elan olunub. Əgər qeyri-sabit hava şəraiti davam etsə tətilin müddəti uzadıla bilər.