Azərbaycan, Bakı, 23 yanvar /müx. TrendLife Eldar Hüseynzadə/
Əməkdar artist Fidan Hacıyeva hazırda yeni albom üzərində işləyir. Onun TrendLife-a verdiyi məlumata görə, albomun dizayner işləri artıq başa çatmaq üzrədir. "Albomumda yer alan mahnılar Azərbaycan dilindədir. Çox güman ki, onları ingilis dilinə tərcümə edəcəm. İkinci albomuma daxil olan mahnıların çoxu xalq mahnılarıdır, həmçinin Azərbaycan bəstəkarlarının romansları və ariyalarıdır. Ümid edirəm ki, pərəstişkarlarım tezliklə yeni diskimi əldə edə biləcəklər".