Azərbaycan, Bakı, 27 iyun / , müxbir K.Zərbalıyeva/ Ombudsman Aparatının nümayəndələri Abşeron rayon polis şöbəsində qanunsuzluqlar aşkarlayıblar.
Ombudsman Aparatının mətbuat xidmətinin cümə günü yaydığı məlumatda bildirilir ki, qanunsuzluqlar şöbədə vətəndaşların saxlanması ilə əlaqədar olub.
Ombudsman bu məsələnin araşdırılması və tədbirlər görülməsi üçün Daxili İşlər Nazirliyinə müraciət edib.
Aparatın əməkdaşları Qaradağ RPİ-nin 10 və 38 -ci, Binəqədi RPİ-nin 4 və 40 -cı, Yasamal RPİ-nin 29-cu, Suraxanı RPİ-nin 31 və 33 -cü, Xətai RPİ-nin 37-ci, Sabunçu RPİ-nin 14 və 15 -ci, Əzizbəyov RPİ-nin 2 - ci, Sumqayıt Şəhər Polis İdarəsinin 1, 2, 3 və 4 -cü polis bölmələrinin növbətçi hissələri yanında saxlanma yerlərinə, Abşeron və Xətai RPİ-nin müvəqqəti saxlanma təcridxanalarına baxış keçiriblər.
Müvəkkilin nümayəndələri saxlanılan şəxslərin qeydiyyatı kitabları, saxlanılmanın qanuniliyinə dair müvafiq sənədlərlə tanış olublar, saxlanılan şəxslərlə təkbətək görüşüblər.
Müəlliflə əlaqə saxlamaq üçün elektron ünvan - [email protected]
