Azərbaycan, Bakı, 10 noyabr/ Trend , müxbir R.Ergün/ Türkiyənin birinci liqasında çıxış edən "Boluspor" klubu azərbaycanlı futbolçu İlqar Qurbanovun vurduğu qolla qələbə qazanıb. Bu, Qurbanovun "Boluspor"a qələbə qazandırdığı ikinci oyun olub.
Səfərdə "Sakaryaspor"la görüşən "Boluspor" oyunun 14-cü dəqiqəsində Qurbanovun vurduğu qolla rəqibini məğlub edib.
Qurbanov bir həftə əvvəl keçirilən "Qaziantep Böyükşəhər Bələdiyyəspor" klubu ilə görüşdə də qol vuraraq, komandasına qələbə qazandırmışdı.
Hazırda hesabında 14 xal olan "Boluspor" birinci liqa komandaları arasında 9-cu yerdədir.
Məqalə müəllifi ilə əlaqə ünvanı: [email protected]