Azərbaycan, Bakı, 6 may /Trend, müxbir K.Zərbalıyeva/
Trend-in məlumatına görə, ədliyyə nazirinin müavini, nazirliyin Penitensiar Xidmətinin rəisi Nazim Ələkbərov jurnalistlərə bildirib ki, qanunvericilik hazırda məhkumların internetdən istifadəsinə qadağa qoyur.
Lakin o, gələcəkdə məhkumlara belə bir imkanın yaradılacağını istisna etməyib.
"Hələlik bu məsələyə baxılmır. Bütün cəzaçəkmə müəssisələrində kompüter kursları təşkil olunub. Həmin kurslara cəlb edilmiş mütəxəssislər məhkumlara kompüterdə işləməyi öyrədir. Lakin hazırkı qanunvericilik məhkumların internetə çıxışına məhdudiyyət qoyur", - deyə nazir müavini bildirib.
Bir sıra Avropa ölkələrində bu təcrübədən istifadə olunur. Bu ölkələrin məhkumları internet vasitəsilə təhsil alır. Həmçinin, məhkumlar bundan öz ailələri ilə əlavə əlaqə vasitəsi kimi istifadə edə bilirlər.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
