Azərbaycan, Bakı, 11 avqust /Trend, müxbir T.Hacıyev/
Azərbaycanda ali təhsil müəssisələrinin boş qalan yerlərinə və tam orta təhsil bazasından orta ixtisas təhsil müəssisələrinə keçirilən müsabiqənin nəticələri açıqlanıb. Bu barədə çərşənbə günü Tələbə Qəbulu üzrə Dövlət Komissiyasının mətbuat xidməti məlumat yayıb.
Məlumatda qeyd olunur ki, nəticələr TQDK-nin internet-səhifəsində yerləşdirilib.
Azərbaycanın ali məktəblərinə keçirilən qəbul imtahanlarından sonra, 2 757 yer vakant qalmışdı.
Ali məktəblərdə vakant qalan yerlərdə iştirak etmək istəyənlər avqustun 6-dan 11-dək internet vasitəsilə TQDK-ya müraciət ediblər.