Azərbaycan, Bakı, 29 sentyabr /Trend, müxbir K.Zərbalıyeva/
Azərbaycan xarici vətəndaşlar üçün cəlbedici ölkəyə çevrildiyindən, miqrasiya proseslərinə nəzarət gücləndirilir, - Trend-in məlumatına görə, bunu çərşənbə günü jurnalistlərə Prezident Administrasiyasının Hüquq-mühafizə orqanları ilə iş şöbəsinin müdiri Fuad Ələsgərov bildirib.
"Azərbaycanın iqtisadi inkişafı, ölkədəki ictimai-siyasi sabitlik, Azərbaycan xalqının tolerantlığı və digər faktorlar xarici vətəndaşlar üçün Azərbaycanı cəlbedici ölkəyə çevirir. Bunun üçün də biz miqrasiya proseslərinə nəzarəti gücləndiririk", - Ələsgərov deyib.
PA rəsmisinin sözlərinə görə, miqrasiya sahəsində müvafiq mexanizmlər, müstəqil miqrasiya məlumat sistemi yaradılıb, idarələrarası avtomatlaşdırılmış çıxış, giriş və qeydiyyat sisteminin təkmilləşdirilməsi istiqamətində iş davam etdirilir.
O qeyd edib ki, Azərbaycan bu istiqamətdə fəaliyyətini daha da təkmilləşdirəcək.