Azərbaycan, Bakı, 6 avqust/Trend, müxbir H. Vəliyev/
"Komtec" şirkəti MilliÖn özünəxidmət terminalları şəbəkəsi sisteminin texniki yenilənməsinə başlayıb. Bu barədə çərşənbə axşamı Trend-ə şirkətdən deyiblər.
Şirkətdən bildiriblər ki, texniki səbəblərdən MilliÖn terminallarının işi avqustun 6-da müvəqqəti dayandırılıb. Günün ikinci yarısında sistemin işinin bərpa ediləcəyi gözlənilir.
Sistemin yenilənməsi istifadəçi interfeysində dəyişiklikləri nəzərdə tutmur, sistemin özünün imkan və gücünü, həmçinin onun buraxılış qabiliyyətinin artırılması məqsədilə həyata keçirilir.