Azərbaycan, Bakı, 26 avqust /Trend/
Təmir işləri ilə əlaqədar avqustun 26-da saat 09:00-dan 18:00-dək "Qobustan" və "Şamaxı" Qazpaylayıcı stansiyalarında təbii qaz təchizatı dayandırılacaq.
"Azəriqaz" İstehsalat Birliyindən Trend-ə daxil olan məlumata görə, təmir işləri aparılan müddətdə Qaradağ rayonunun Qobustan və Şıxlar qəsəbələri, "Bağlar" massivi, həmçinin Şamaxı şəhərinin bir hissəsinə təbii qazın verilməsində fasilələr yaranacaq.