.jpg)
Bakı. Maksim Tsurkov - Trend:
Rusiyalı gimnast Aleksandra Soldatova Bakıda keçirilən bədii gimnastika üzrə Dünya Kubokunda qızıl medal qazanıb.
Trend-in məlumatına görə, o, topla hərəkətlər üzrə finalda 18.400 bal toplayıb.
Gümüş medal digər rusiyalı gimnast Arina Averinaya nəsib olub - 17.900 bal. Üçüncü yerə isə 17.150 bal yığan bolqarıstanlı idmançı Neviana Vladinova çıxıb.
Qeyd edək ki, bu gün Bakıda Milli Gimnastika Arenasında bədii gimnastika üzrə FIG Dünya Kubokunun üçüncü - sonuncu günündə fərdi gimnastların halqa, top, gürzlər və lentlə, eləcə də qrup komandalarının 5 halqa, 3 top və 2 iplə hərəkətləri üzrə final yarışları keçirilir.
Azərbaycanı qrup hərəkətləri komandasının tərkibində Siyana Vasileva, Diana Doman, Aleksandra Platonova, Ayşən Bayramova və Elif Zeynep Celep təmsil edirlər.