Bakı. İlhamə İsabalayeva - Trend:
Beynəlxalq olimpiada və respublika fənn olimpiada qaliblərinin ali məktəblərə müsabiqədənkənar qəbulu növbəti qəbul kampaniyasında həyata keçiriləcək.
Trend-in məlumatına görə, bunu təhsil naziri Ceyhun Bayramov deyib.
Nazir qeyd edib ki, "Təhsil haqqında" qanuna edilən son dəyişikliklərə əsasən, beynəlxalq olimpiada və respublika fənn olimpiada qalibləri ali məktəblərə müsabiqədənkənar qəbul olunacaqlar.
Onun sözlərinə görə, hazırda Təhsil Nazirliyi müvafiq qurumlarla birlikdə qəbulla bağlı qaydaların hazırlanması üçün iş aparır:
"Nazirlər Kabineti qaydaları təsdiqlədikdən sonra növbəti qəbul kampaniyasında bu qaydalardan istifadə ediləcək".