...

Mərdəkan çimərliyində 3 yaşlı uşağın ölümü ilə bağlı cinayət işi başlanılıb

Cəmiyyət Materials 26 İyul 2019 14:09 (UTC +04:00)
Xəzər rayonunun Mərdəkan qəsəbəsinin dəniz çimərliyində yol-nəqliyyat hadisəsi baş verib.
Mərdəkan çimərliyində 3 yaşlı uşağın ölümü ilə bağlı cinayət işi başlanılıb

Trend-i buradan izləyin

Bakı. Elçin Mehdiyev - Trend:

İyulun 25-də paytaxtın Xəzər rayonu, Mərdəkan qəsəbəsində yerləşən “Bavarius” istirahət mərkəzinin avtomobil dayanacağında 1974-cü il təvəllüdlü Gülnarə Müslümovanın “Kia Sportage” markalı 90-DP-574 dövlət qeydiyyat nişanlı avtomobili arxaya hərəkət etdirərəkən 2016-cı il təvəllüdlü Əlisafa Mustafayevi vurub, sonuncu aldığı xəsarətlərdən xəstəxanada vəfat edib.

Bakı şəhər Baş Polis İdarəsinin və şəhər prokurorluğundan Trend-ə daxil olan birgə məlumatda deyilir ki, faktla bağlı Xəzər rayon Polis İdarəsinin İstintaq Şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma zərərçəkmiş şəxsin ölümünə səbəb olduqda) maddəsi ilə cinayət işi başlanıb.

İş üzrə müvafiq ekspertizalar təyin edilib, şahidlər müəyyənləşdirilərək dindirilib.

Hazırda cinayət işi üzrə zəruri istintaq tədbirləri davam etdirilir.

Məqalədə:
Xəbər lenti

Xəbər lenti