Bakı. Trend:
Asiya İnkişaf Bankının Cənubi, Mərkəzi və Qərbi Asiya üzrə vitse-prezidenti Yinqminq Yanqın rəhbərlik etdiyi nümayəndə heyəti ilə ekologiya və təbii sərvətlər nazirinin birinci müavini Rəşad İsmayılov arasında görüş keçirilib.
Bu barədə Trend-ə Ekologiya və Təbii Sərvətlər Nazirliyindən məlumat verilib.
Bildirilib ki, görüş zamanı ətraf mühitin mühafizəsi, iqlim dəyişmələrinin təsirlərinin azaldılması və dəyişən iqlimə uyğunlaşma istiqamətində Azərbaycanda həyata keçirilən tədbirlər barədə fikir mübadiləsi aparılıb və gələcək əməkdaşlıq imkanları müzakirə edilib.
