Azərbaycanın qadınlardan ibarət voleybol yığması beynəlxalq turnirlərdə iştirak etmək üçün müxtəlif ölkələrdən 5 dəvət alıb.
Milli Federasiyanın mətbuat katibi Zöhrab Gözəlbəylinin Trend ə verdiyi məlumata görə, Faiq Qarayevin yetirmələrini Polşa, Peru, Əlcəzair, Tailand və Yaponiyada yarışların təşkilatçıları dəvət edir. "Bu, bizi çox sevindirir və bir daha sübut edir ki, yığma dünya arenasında qiymətləndirilir, elitaya daxil olur. Lakin dəvətləri qəbul edib-etməyəcəyimiz hələlik məlum deyil, axı kollektivin təqvim qrafiki onsuz da gərgindir", - deyə Z.Gözəlbəyli vurğulayıb.
Onun sözlərinə görə, hər şey bu yaxınlarda, F.Qarayev mövsümə hazırlıq planını açıqlarkən məlum olacaq.