Azərbaycan, Bakı / Trend müxbir E.Hüseynli/ Azərbaycanda yayımlanan xarici radiostansiyalara bir illik lisenziya veriləcək. Bununla bağlı Milli Televiziya və Radio Şurasının çərşənbə günü keçirilən iclasında qərar çıxarılıb. Teleradio Şurasının sədri Nuşirəvan Məhərrəmli Trend ə bildirib ki, yaxın günlərdə BBC, "Azadlıq" və "Amerikanın səsi" radiostansiyaları nümayəndələrinin iştirakı ilə iclas keçiriləcək və onların yayımı üçün lisenziya müddəti uzadılacaq.
Onun sözlərinə görə, xarici radiostansiyalar bir illik yayım üçün təxminən iki min dollar ödəyəcək.