Azərbaycan, Bakı, 7 sentyabr /Trend/
Bu gün futbol üzrə Azərbaycan milli komandası 2014-cü il dünya çempionatının seçmə mərhələsi çərçivəsində İsrail yığması ilə ilk oyununda ilk xalını qazanıb.
Trend-in məlumatına görə, görüşdə hesabı qonaqlar açıblar. Oyunun 50-ci dəqiqəsində Bibers Natxo qola imza ataraq İsrail millisini hesabda irəli çıxarıb.
Matçın 64-cü dəqiqəsində isə Azərbaycan yığmasının futbolçusu Ruslan Abışov hesabı bərabərləşdirib - 1:1.
Qeyd edək ki, Tofiq Bəhramov adına Respublika stadionunda keçiriləcək matçı Sloveniyadan olan hakimlər briqadası idarə edirdi.
Milli komandamız növbəti oyununu sentyabrın 11-də səfərdə Portuqaliya yığmasına qarşı keçirəcək.