Azərbaycan, Bakı, 19 oktyabr /Trend/
Qətərdə keçirilən qadın voleybolçular arasında klublararası dünya çempionatına yekun vurulub.
Trend-in məlumatına görə, finalda Bakının "Rabitə" klubu Braziliyanın "Sollis Nestle" komandası ilə qarşılaşıb.
Qeyd edək ki, bundan əvvəl təmsilçimiz qrup mərhələsinin ilk oyununda braziliyalılara 1:3 hesabı ilə məğlub olmuşdu.
Voleybolçularımız bu dəfə də cənubi amerikalılara qalib gələ bilməyiblər. Hər üç setdə üstün olan "Sollis Nestle" (3:0 - 25:16; 25:14; 25:17) dünya çempionu olub.
Bu görüşdən əvvəl isə üçüncü yer uğrunda görüş keçirilib. Türkiyə "Fənərbaxça"si Puerto-Rika "Lançeras de Katano" klubu ilə oyunda 3:0 (25:16, 25:17, 25:17) hesabı ilə qalib gəlib.