Konya. Trend:
Azərbaycanın qadın həndbolçuları V İslam Həmrəyliyi Oyunlarının finalında Türkiyə komandasına uduzub.
Trend xəbər verir ki, matçın birinci hissəsi 16:10, ikinci hissəsi isə 14:14 hesabı ilə başa çatıb. Qarşılaşma 30:24 hesabı ilə Türkiyə komandasının qələbəsi ilə yekunlaşıb.
Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Oyunlar avqustun 18-dək davam edəcək.
Ümumilikdə İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir.