Bakı. Trend:
Millətlər Liqasının IV turu davam edir.
Trend İdman.biz-ə istinadən xəbər verir ki, dünən 5 qrupda 10 oyun baş tutub.
Günün mərkəzi qarşılaşması A liqasında baş tutub. Almaniya Niderlandı sınağa çəkib. Oyun "Bundestim"in 1:0 hesablı qələbəsi ilə yekunlaşıb. Bu qələbədən sonra almanlar lider mövqeyini bir az da möhkəmlədiblər.
Azərbaycan millisi C liqasında Slovakiyanı qəbul edib və 1:3 hesabı ilə uduzub.
Türkiyə isə səfərdə İslandiya ilə üz-üzə gəlib. "Ay-ulduzlular" 4:2 hesabı ilə qalib gəliblər. Bu, qardaş ölkənin tarixində İslandiya səfərində ilk qələbəsi olub. Onlar 8-ci cəhdində bu uğura imza atıblar.
Qeyd edək ki, tura oktyabrın 15-də yekun vurulacaq.