Bakı. Trend:
Şüvəlandakı Ağırlıqqaldırma Akademiyasında keçirilən U-15 və yeniyetmələr arasında Azərbaycan birinciliyinin son günü gərgin və maraqlı mübarizə ilə yadda qalıb.
Trend xəbər verir ki, yarışın yekununda daha 4 çəki dərəcəsi üzrə qaliblər müəyyən edilib.
U-15 kateqoriyası üzrə nəticələr:
67 kq – Hikmət Məhərrəmov 203 kq (85 kq + 118 kq) nəticə göstərərək
qızıl medal qazanıb.
73 kq – Lətif Əliyev 205 kq (95 kq + 110 kq) nəticə ilə birinci
yeri tutub.
Yeniyetmələr kateqoriyası üzrə nəticələr:
67 kq – Kamran Xappayev 235 kq (108 kq + 127 kq) nəticə ilə çempion
olub.
73 kq – Əbdülhüseyn Hüseynov 241 kq (108 kq + 133 kq) nəticə ilə
qalib gəlib.
Beləliklə, yarış yüksək səviyyədə təşkil olunaraq, idmançılar arasında güclü rəqabətə şahidlik edib.
