Bakı. Çingiz Səfərli -Trend:
Regionların inkişafı proqramına bütün mənbələr hesabına 90 milyard manatdan artıq vəsait yönəldilib.
Trend xəbər verir ki, bunu Milli Məclisin bu gün keçirilən iclasında iqtisadiyyat nazirinin müavini Sevinc Həsənova deyib.
Onu sözlərinə görə, cari icra olunan, 2021-2023-cü illər üzrə isə regionların inkişafına isə indiyədək 13 milyarddan çox vəsait yönəldilib.
"Məsələ nazirliyin diqqət mərkəzindədir. Biz bu proqram sayəsində regionların problemlərinin həllinə çalışırıq. Bundan sonra da inanıram ki, proqram mövcud maliyyə imkanları çərçivəsində regionların infrastruktur proqramlarının həllinə sistemli şəkildə yönəldiləcək" - deyə nazir müavini qeyd edib.