...

Yerli KOB-lar Ciddədə keçirilən Beynəlxalq Kənd Təsərrüfatı və Qida Sərgisində iştirak edir (FOTO)

İqtisadiyyat Materials 7 Dekabr 2022 13:36 (UTC +04:00)
Yerli KOB-lar Ciddədə keçirilən Beynəlxalq Kənd Təsərrüfatı və Qida Sərgisində iştirak edir (FOTO)

Trend-i buradan izləyin

Bakı. Trend:

Səudiyyə Ərəbistanının Ciddə şəhərində Beynəlxalq Kənd Təsərrüfatı və Qida Sərgisi keçirilir.

Kiçik və Orta Biznesin İnkişafı Agentliyindən (KOBİA) Trend-ə verilən məlumata görə, agentliyin İdarə Heyətinin sədri Orxan Məmmədovun rəhbərlik etdiyi heyət də sərgidə təmsil olunur.

200-dən çox şirkətin qatıldığı sərgidə Azərbaycan sahibkarlarının məhsul və xidmətləri də təqdim edilir. Belə ki, sərgidə KOBİA-nın Dəstək Proqramı çərçivəsində, “Muğan Bank”ın tərəfdaşlığı ilə yaradılmış xüsusi stenddə müxtəlif çeşiddə Azərbaycan məhsulları sərgilənir. KOBİA-nın stendində yerli KOB subyektlərinin şirniyyat və qənnadı məmulatları, quru meyvələr, şokolad, bitki çayları, eləcə də kənd təsərrüfatı sahəsində konsultasiya xidmətləri və s. nümayiş olunur.

Azərbaycanın stendi yerli əhali və xarici qonaqlar tərəfindən maraqla qarşılanır.

Sərgi dekabrın 7-dək davam edəcəkdir.

Məqalədə:
Xəbər lenti

Xəbər lenti