Bakı. Trend:
Cənubi Qafqazda nəqliyyat əlaqələrinin açılması regionun bütün dövlətlərinə ticari münasibətləri yoluna qoymaq imkanı verəcək.
Trend cümə axşamı xəbər verir ki, bunu jurnalistlərə Sərhəd Qoşunlarının Komandanları Şurasının sədr müavini - Koordinasiya Xidmətinin sədri general-polkovnik Aleksandr Manilov deyib.
"Bununla əlaqədar olaraq ticarət yoluna qoyulacaq, insanlar arasında ünsiyyət olacaq", - o deyib.
Qeyd edək ki, iclas iştirakçıları MDB-yə üzv dövlətlərin xarici sərhədlərindəki vəziyyəti, MDB ölkələrinin Sərhəd Qoşunlarının Komandanları Şurasının 87-ci iclasının təşkili məsələsini və gündəlik layihəsini müzakirə ediblər. Həmçinin tədbirin gündəliyinə əsasən digər məsələlər üzrə də fikir mübadiləsi aparılıb.
(Tərcümə: Rəna Əbdürəhmanova)