Bakı. Trend:
Bu ilin yanvar-fevral aylarında Azərbaycanda nəqliyyat və anbar təsərrüfatı sahəsində əsas kapitala 531,9 milyon manat investisiya yönəldilib.
Bu barədə Trend Dövlət Statistika Komitəsindən məlumat əldə edib.
Məlumata əsasən, bu göstərici 2024-cü ilin eyni dövrü ilə müqayisədə 440,5 milyon manat və ya 45,3% azdır.
Belə ki, ötən ilin yanvar-fevral aylarında ölkədə nəqliyyat və anbar təsərrüfatı sahəsində əsas kapitala 972,4 milyon manat investisiya yönəldilmişdi.
Bu sahə üzrə əsas kapitala yönəldilmiş investisiyaların yekunda xüsusi çəkisi 26,5%-ə bərabər olub.