Azərbaycan, Bakı / Trend , müxbir A.Bədəlova/ AZPROMO-nun məlumatında bildirilir ki, Azərbaycanda İxracın və İnvestisiyaların Təşviqi Fondunun (AZPROMO) dəstəyilə, Xorvatiyadan olan nümayəndə heyəti 15 Azərbaycan şirkəti ilə görüşlər keçirəcək.
2007-ci il dekabrın 11 -də Xorvatiya Respuklikasının İxrac Təşviqi Agentliyinin direktoru və Xorvatiya Respublikasının Turkiyədəki səfirliyinin nümayəndəsinin başçılığı ilə 5 xorvat şirkətindən ibarət nümayəndə heyəti Azərbaycana gəlib.
2007-ci il oktyabr 3-də Xorvatiya Respublikasının Prezidenti Stepan Mesiçin Azərbaycan Respublikasına rəsmi səfərin çərçivəsində keçirilən Azərbaycan-Xorvatiya biznes- forumundan sonra, bir neçə xorvat şirkəti Azərbaycanda fəaliyyət göstərməyə hazır olduqlarını bildiriblər.