Azərbaycan, Bakı, 30 yanvar / Trend , müxbir İ.Xəlilova / Azərbaycanda "Azərbaycan İnvestisiya Şirkəti", "GILD" İnvestisiya Bankı və "Estonian Caspian Group"un qarşılıqlı anlaşma haqqında imzaladıqları memorandum nəticəsində yaradılan Vençur Fondunun investisiyası $100 mln.- u ötür. Bu barədə AİŞ-in Müşahidə Şurasının sədri, iqtisadi inkişaf naziri Heydər Babayev deyib. İnvestisiya şirkəti Fondunda iştirakçı payı ayrıca razılaşdırılacaq.
Onun sözlərinə görə, Vençur Fondunun yaradılması Azərbaycan iqtisadiyyatına investisiya qoyulması üçün nəzərdə tutulub və AİŞ-in məqsədi investisiyanın bilavasitə ölkənin real sektoruna deyil, həm də Vençur Fondunun vasitəsi ilə cəlb edilməsidir.
"Fondun yaradılmasının əsas məqsədi yatırılan vasitə vahidləri nəticəsində, AİŞ 10 dəfə artıq vəsait cəlb edəcək", - nazir deyib.
Fondun yaradılmasının təşəbbüskarları, onun strukturunun birgə yaradılması və iqtisadiyyatın müxtəlif sektorlarına sərmayənin cəlb edilməsini razılaşdırıblar.
Azərbaycanın İnvestisiya Şirkəti bu sahədə ixtisaslaşdırılmış iki beynəlxalq təşkilatın - Vençur Kapitalının Assosiasiyası və Birbaşa Avropa İnvestisiyaları (European Private Equity and Venture Capital Association - EVCA) və İnkişafda olan Bazarların Birbaşa Maliyyələşməsi Assosiasiyasının (Emerging Markets Private Equity Association - EMPEA) üzvüdür.
AİŞ-in Beynəlxalq İnvestisiya Birliklərinə inteqrasiyası və investorların ölkədə investisiya sektorunun vəziyyəti və mövcud imkanlar haqqında vaxtında məlumatlandırılması bu təşkilatlara üzv olmağa imkan yaradır.