Azərbaycan, Bakı, 28 fevral / Trend , müxbir İ.Xəlilova / Yanvar ərzində Azərbaycan bank sektorunun kapitallaşması ötən ilin dekabrına nisbətən 1,4 faiz, il ərzində isə 75,2 faiz artıb, - cümə axşamı Azərbaycanın Milli Bankından deyiblər.
AMB-nin statistik məlumatlarına görə, fevralın 1-nə 38 bankın kapitalı 10 mln. manatı ötüb, halbuki, bir ay əvvəl bu göstərici bir bank çox olub və bu bank, kapitalı 5-10 mln. manat arasında olan kredit təşkilatları kateqoriyasına keçib. Bütün bank kapitallarının ümumi həcmində onların xüsusi çəkisi 94,6 faiz təşkil edib.
Altı bankın (ümumi çəkisi beş faizlə) kapitalı 5 mln. manatdan 10 mln. manat arasında formalaşıb, bir bank isə (0,4 faiz) onu 3,5 mln. manatdan 5 mln. manat diapazonunda ödəyib.
Respublikada cəmi 46 bank fəaliyyət göstərir, lakin "Poctbank" hesabat aparmır, çünki onun əməliyyatları tam məhdudlaşdırılıb. Məhdudlaşdırılmış lisenziya ilə (əmanət qəbuluna icazələri yoxdur) doqquz bank işləyir. Bu səbəbdən də onlar sığorta əmanətləri Fondunun üzvü ola bilməyiblər. İki bank sanksiyaların götürüməsinə imkan yaradacaq tələblərin yerinə yetirildiyi haqqında Milli Banka məlumat verib. [ Sankisiyalar bankların 10 mln. manat səviyyəsində elan edilən ümumi kapitalın minimal dəyərə uyğun olmadığından tətbiq edilib].
Əvvəlcə sanksiyalar "Kauthar Bank", "Euro Bank" (keçmiş "AzİnvestBank"), "Azal Bank", "Credo Bank", "Atlant Bank", "Birlik Bank", "AFBank", "Gunay Bank" və "Royal Bank"a tətbiq olunub. Kapitallaşma şəraitinin yaxşılaşması ilə əlaqədar "Gunay Bank" və "Royal Bank", onların bu siyahıdan çıxarılması üçün AMB-yə müraciət ediblər.
Lakin AMB idarə heyətində bu bankların qiymətləndirilməsindən (kapitalın keyfiyyət və miqdar parametrləri) sonra bank lisenziyasına məhdudlaşmanın götürülməsi məsələsi irəli sürüləcək, - AMB-dən deyiblər. Məhdudiyyət müddəti hər banka fərdi qaydada tətbiq edilib.
Müəlliflə əlaqə ünvanı: [email protected]
