Azərbaycan, Bakı, 13 mart / Trend , müxbir İ.Xəlilova / "Millikart"Məhdud Məsuliyyətli Cəmiyyət bu prosesinq mərkəzi vasitəsilə xidmət göstərən bankların siyahısını artırır. Mərkəzin icraçı direktoru Cəlal Orucovun bildirdiyinə görə, "Millikart" plastik kart bazarına girməyə hazırlaşan iki bankla müqavilə imzalayıb. Orucov qeyd edib ki, kartların debüt çıxışı "Visa International" beynəlxalq ödəmə sisteminə qoşulandan sonra baş verir. O, üzv olanadək bankların adlarını çəkmək istəməyib.
Hazırda "Millikart" sistemi ilə 10 bank xidmət göstərir və digər prosesinq mərkəzi "Azərikart"dan miqrasiya haqqında bir bankla danışıqlar aparılır. Xidmət göstərilən banklar arasında
Azərdəmiryolbank, UniBank, Azərbaycan Sənaye Bankı, AzerturkBank, Debut Bank,Azərbaycan Mikromaliyyələşdirmə Bankı, Zamin Bank, AF Bank, EuroBank və Atlantbank da var.Respublikada fəaliyyət göstərən 46 bankdan 18-i MMC -nin səhmdarları sırasındadır.
"Millikart" vasitəsilə buraxılan kartların həcmi ilin əvvəlindən 5 min artaraq, 55 minə çatıb. Mərkəz rəhbərinin sözlərinə görə, Azərdəmiryolbank, UniBank, Azərbaycan Sənaye Bankı və b. planları ilə bağlı yay mövsümündə kartların sayı daha 10 min artacaq.
Azərbaycanın Beynəlxalq Bankının təsis etdiyi "Azərikart" vasitəsilə dövriyyəyə buraxılmış kartların sayı 2,9 milyona çatıb. Bu mərkəzlə xidmət göstərən bankların sayı 30-dur.
Kartların böyük hissəsi BB və Kapital Bank tərəfindən buraxılmış sosial və əmək haqqları kartlarıdır. Onlar bu bazarın 91 faizini tutur. Siyahıda Texnikabank, Bank of Baku, Azəriqazbank, Bank Standard, Bank Respublika sonrakı yerlərdədir.
"Azərkart" vasitəsilə xidmət göstərən bankların sayı - üç bank (Azərdəmiryolbank, Unibank və Zaminbank) öz kart biznesini "Millikart"MMC-nə miqrasiya edəndən sonra azalıb.
Müəlliflə əlaqə ünvanı: [email protected]
