...

Azərbaycanda USD/EUR alətinin tətbiqinə başlanılır

Biznes və iqtisadiyyat xəbərləri Materials 13 Mart 2008 19:35 (UTC +04:00)

Azərbaycan, Bakı, 13 mart/ Trend , müxbir İ.Xəlilova/ Bakı Banklararası Valyuta Birjası (BBVB) Deutsche Bank-Frankfurt ilə avroda hesab açılması haqqıda sənəd imzalayıb. Bu barədə cümə axşamı Birjanın rəhbəri Fərhad Əmirbəyov məlumat verib. Hesab bu günlərdə açılacaq [BBVB dollar hesabı Deutsche Bank - New York-da açılıb].

Bu tədbirlər daxili maliyyə bazarında hazırda Birja tərəfindən nəzərdən keçirilən USD/EUR aləti üzrə birbaşa konvertasiya əməliyyatlarının tətbiq edilməsi planları ilə əlaqədar aparılır. Əmirbəyov hesab edir ki, Milli Bank tərəfindən ikivalyutalı səbətin tətbiqi avroya tələbatın artmasını stimullaşdıracaq.

Azərbaycan Milli Bankı daxili avro bazarının yaradılması fikrini müsbət qarşılayıb.

"Yalnız banklar deyil, Azərbaycan Milli Bankı tərəfindən də avroya təlabatın artmasına ümid edirəm. Hələ ki, daxili avro bazarı o qədər də geniş deyil. Artım templəri haqqında isə, bunu söyləmək olmaz", - Əmirbəyov bildirib.

2006-cı illə müqayisədə, banklararası EUR bazarı 2,84 dəfə - manat ekivalenti ilə 114 mln.-dan 324 mln.-dək artıb. Bununla yanaşı, EUR seqmentinin artım templəri banklararası valyuta bazarının artım trendini 11,5 dəfə ötüb. Müvafiq olaraq, il ərzində avronun konvertasiyası üzrə banklararası əməliyyatların payı 4,05 faizdən 9,92 faizədək artıb.

İdxal strukturuna müvafiq olaraq, Birja rəhbəri güman edir ki, ölkənin maliyyə bazarında avroya təlabat bir neçə milyardadək arta bilər. Bu valyutanı kotirovka edən sabit operatorlar kimi, daimi kotirovka da yoxdur. Avro ilə əməliyyatların əhəmiyyətli hissəsi bankdaxili konvertasiya üzrə gedir. Buna görə onlar bazara düşmürlər.

Əmirbəyovun rəyinə görə, valyutanın konvertasiyası zərurətindən idxalçıların yüksək transsəhm xərcləri meydana gəlir. Xarici ticarət dövriyyəsində idxal əməliyyatlarının əsas hissəsi (65 faiz) Avropa zonasına daxil olan dövlətlərlə aparılıb.

2006-cı il ərzində BBVB valyuta bölməsində orta məzənnə 1,1347 manat olmaqla, avro ilə 497,009 min manat (438 min avro) məbləğində 11 əqd bağlanıb. 2007-ci ildə məzənnə 1,2021 manat olmaqla, 14 əqd üzrə əməliyyatların həcmi 19 841,494 min manat (16 506 min avro) təşkil edib. 2008-ci ilin ötən dövrü ərzində məzənnə 1,2478 manat olmaqla 4 292,349 min manat (3 440 min avro) məbləğində yeddi əqd bağlanıb.

Məqalə müəllifinin ünvanı: [email protected]

Xəbər lenti

Xəbər lenti