...

Azərbaycanın əhalinin əmanətlərinin sığortalanması Fondu banklar üçün təqvim ödəmələrinin məbləğini azaldır

Biznes və iqtisadiyyat xəbərləri Materials 10 Aprel 2008 18:28 (UTC +04:00)

Azərbaycan, Bakı, 10 aprel/ " müxbir İ.Xəlilova/ Azərbaycanın əhalinin əmanətlərinin sığortalanması Fondu (ADİF) avqustdan etibarən illik təqvim ödəmələrinin məbləğini 0,6 faizdən 0,5 faizədək azaltmağı planlaşdırır. Bu barədə ADİF-in icraçı direktoru Azad Cavadov məlumat verib. Hazırda banklar hər rübdə Fonda əmanətlər üzrə gündəlik qalığın 0,15 faizi ölçüsündə təqvim ödəmələri həyata keçirirlər. Bu 0,125 faizədək azaldılacaq.

Sığorta haqqında Qanuna əsasən, 2008-ci il yanvarın 1-dən etibarən, 4 min manat məbləğində əmanətlər Fond tərəfindən sığorta ediləcək. 2008-ci il yanvarın 1-dən 2010-cu il yanvarın 1-dək - 6 min manat, 2010-cu il yanvarın 1-dən isə - 8 min manat əmanət sığorta ediləcək. Eyni zamanda, faiz dərəcələri AMB -nin uçot dərəcəsini (bu gün 13 faiz) 1,8 dəfə ötən əmanətlər sığorta edilməyəcək. Başqa sözlə,sığorta edilən əmanət üzrə dərəcə 23,4 faizədək ola bilər. Banklar belə əmanətin qəbul edilməsi zamanı, müştərini Sığorta Fondu tərəfindən əmanətin sığortalanmaması haqqında məlumatlandırmalıdırlar.

Banklar tərəfindən birdəfəlik üzvlük haqqının (10 min manat) ödənilməsi nəzərə alınmaqla, Sığorta Fondunun reyestrinə daxil olan anda 2007-ci ilin yekunları üzrə ümumi daxilolmalar 3 640,381 min manat təşkil edir. İlin yekunlarına görə, Fonda 665 800 manat, $1 062 367 və 112 454 avro təqvim ödəmələri edilib. Bu da ötən rübün yekunları üzrə toplanmış məbləği milli valyuta ilə 9 faiz, dollarla 4,5 faiz, avroyla isə 47,6 faiz ötüb.

Cavadovun sözlərinə görə, bu gün banklar tərəfindən birinci rübə görə təqvim ödəmələrinin edilməsi müddəti başa çatır və Fonda, orta hesabla, 1,7 mln. manat daxil olacaq.

ADİF 2007-ci il avqustun 13-də fəaliyyətə başlayıb. Hazırda Azərbaycanda fəaliyyət göstərən 46 bankdan 37-si onun üzvüdür.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti