Azərbaycan, Bakı, 21 iyul/ Trend , müxbir İ.Xəlilova/ Asiya İnkişaf Bankı 2008 -ci ildə yol layihələri üçün 2007-ci ilin sentyabrında $500 mln. dəyərində təsdiq edilmiş multitranş paket (Multitranche Financing Facility - MFF) çərçivəsində, Azərbaycana ikinci tranşı ayırmağa hazırlaşır. Bu barədə bazar ertəsi AİB-in Bakı nümayəndəliyindən məlumat veriblər. Ötən il Masallı -Astara yolunun yenidən qurulması üçün bu məbləğdən $200 mln. vəsaitin ayrılması təqdir edilib.
AİB MFF vəsaitlərinin hesabına Yevlax- Gəncə və Qazax - Gürcüstan sərhədi
qərb-şərq avtomagistalının sahələrinin yenidənqurma layihəsinin bahalaşmasını maliyyələşdirməyə hazırdır. İlkin qiymətləndirmələrə görə, Gəncə ətraf yollarının tikintisinə əlavə olaraq $50-60 mln. ayrıla bilər.
Uzunluğu 88,8 km olan birinci sahə -- Yevlax-Gəncə sahəsinin ümumi dəyəri 58,7 mln. dollar təşkil edir. Onlardan 10,4 mln. dollar İslam İnkişaf Bankının, 11 mln. dollar Səudiyyə İnkişaf Fondunun, 24 mln. dollar AİB -in 13,3 mln. Azərbaycan hökumətinin payına düşür. Uzunluğu 38,8 km olan ikinci sahə Qazax- Gürcüstan sərhədi 30 mln. dollar məbləğində qiymətləndirilir. O AİB - in 28 mln. dollarlıq krediti və Azərbaycan payı ( 2mln. dollar) hesabına maliyyəlşdiriləcək.
Nümayəndəlikdən qeyd ediblər ki, bu yol layihəsi üçün əlavə maliyyələşdirmənin təqdim edilməsi məsələlərinin müzakirəsi üçün danışıqların avqustda Bakıda keçiriləcəyi gözlənilir. Bu, Asiya Bankının Azərbaycanda yol layihələri üzrə yeni kuratoru Don So Pyonun (Doong So Pyo) səfəri zamanı baş tutacaq. Əvvəllər bankda bu vəzifəni yol layihələri üzrə baş iqtisadçı Honq Vanq tutub.
MFF paketinin 2014 - cü ilədək mənimsənilməsi nəzərdə tutulur.
İyulun 21-nə olan cari məzənnə -- 0,8056 AZN/USD.
Müəlliflə əlaqə saxlamaq üçün elektron ünvan: cap