Azərbaycanda neft sektorunda artım qeyri-neft sektorunda artım templərini təxminən iki dəfə ötüb
Azərbaycan, Bakı, 15 avqust/ Trend , müxbir İ.Xəlilova/ Yanvar - iyulda Azərbaycanda sənaye istehsalının həcmi 18 591,1 mln. manat təşkil edib ki, bu da ötən ilin analoji göstəricilərini 14,1 faiz ötür. Bu barədə cümə günü Dövlət Statistika Komitəsindən məlumat veriblər. Sənayenin qeyri-neft sektorunda sənaye məhsulunun istehsalı və göstərilmiş xidmətlərin həcmi 8,3 faiz, neft sektorunda isə 15,1 faiz artıb.
Hesabat dövrü ərzində mədən sənayesində artım templəri 15,3 faiz səviyyəsində olub və ümumi sənaye istehsalında xüsusi çəkisi 79,5 faiz olmaqla, 14 786,57 mln. manat təşkil edib. Lakin emal sənayesinin artım templəri 7,2 faiz - 3 047,2 mln. manat (16,4 faiz) təşkil edib. Elektroenergetika, qaz və su sektorlarının payına 8,3 faiz artımla 757,35 mln. manat düşür.
Neft hasilatında istehsalın artımı 14,8 faiz, qaz hasilatında - 66,5 faiz, neft emalında - 3,2 faiz təşkil edib.
Hesabat dövrü ərzində metallurgiya və metaldan hazır məhsul sənayesində 72,9 faiz, ağac məmulatları və oduncaq emalında - 1,4 faiz, ərzaq məhsullarında - 1,1 faiz, kimya məhsullarında - 57,8 faiz, dəri və dəri məlumatlarının istehsalında - 38 faiz artım müşahidə olunur.
Birinci yarımildə ümumi sənaye istehsalında dövlət sektorunun payı 82,1 faiz (15 267,9 mln. manat) təşkil edib. Qeyri-dövlət sektorunda artım 16,4 faiz, dövlət sənayesində isə - 4,6 faiz səviyyəsində olub.
Avqustun 15-nə olan cari məzənnə - 0,8142 AZN/USD.
Müəlliflə əlaqə saxlamaq üçün elektron ünvan: [email protected]
