Azərbaycan, Bakı, 24 sentyabr/ Trend , müxbir Ü.İsmayılova/ Azərbaycanın Dövlət Torpaq və Xəritəçəkmə Komitəsində (ADTXK) "2008 -2015 - ci illərdə Azərbaycan əhalisinin ərzaq məhsulları ilə etibarlı təminatı Dövlət Proqramı"nın bəndlərinin realizəsi üçün xüsusi komissiya yaradılıb, - çərşənbə günü Komitədən bildiriblər.
2008 -2015 - ci illərdə əhalinin ərzaq məhsulları ilə etibarlı təminatı Dövlət Proqramı ölkə prezidenti tərəfindən avqustun 25 - də təsdiqlənib.
Bu sənədin bəndlərinə əsasən, Komitə toraq və sudan rasional istifadə üzrə tədbirlər realizə etməlidir. Dövlət Proqramının ADTXK - yə aid bəndləri torpaq ehtiyatlarının səmərəli müdafiə və istifadəsini, toprağın məhsuldarlığının artırılmasını, səpin üçün yeni torpaq sahələrinin cəlb edilməsini və s. nəzərdə tutur.
komİssiyaya "2008 -2015 - ci illərdə Azərbaycan əhalisinin ərzaq məhsulları ilə etibarlı təminatı Dövlət Proqramı"nın Komitəyə aid bəndlərinin realizəsi üzrə təkliflər hazırlamaq və təqdim etmək həvalə olunub.
Dövlət Proqramı çərçivəsində, Azərbaycanın Dövlət Torpaq və Xəritəçəkmə Komitəsinə ümumilikdə 12 tədbir, o cümlədən torpaq sahələrinin inventarlaşdırılması, torpaq kadastrını aparmaq tapşırılıb. Ərzaq təhlükəsizliyi üzrə Dövlət Proqramı çərçivəsində, torpaq ehtiyatlarının yenidən qiymətləndirilməsi, səpin üçün yeni torpaq sahələrinin müəyyən edilməsi, keyfiyyət və həcm göstəricilərinin dəqiqləşdirilməsi, rayonlar üzrə elektron (rəqəmsal) torpaq - kadastr xəritəsinin hazırlanması, həmçinin, bu istiqamətdə bir sıra digər tədbirlərin həyata keçirilməsi planlaşdırılır.
Proqram çərçivəsində, əkinə 900 min hektara yaxın əlavə torpaq cəlb olunmalıdır: ADTXK-yə torpağın şoranlaşması, eroziyaya uğraması, şəhərləşmə prosesi ilə bağlı torpağın dövriyyədən çıxarılması və s. kimi təsirlərin qarşısının alınması həvalə olunub.
Dövlət Proqramı Azərbaycanda kənd təsərrüfatı məhsulları istehsalının stimullaşdırılması və yerli istehsal hesabına gələcəkdə əhalinin ərzaqla təminatının yaxşılaşdırılmasına yönəlib.Tədbirlərin yerinə yetirilməsi üçün maliyyə mənbələri kimi dövlət büdcəsi, büdcədənkənar fondlar, yerli büdcələr, daxili və əcnəbi birbaşa sərmayələr və digər mənbələr göstərilib.
Müəlliflə əlaqə saxlamaq üçün elektron ünvan: [email protected]