Azərbaycan, Bakı, 25 sentyabr/ Trend , müxbir E.İsmayılov/ "Azərbaycan hava yolları" QSC (AZAL) Fransa istehsalı olan altıncı ATR markalı təyyarəni əldə edib. Bu barədə cümə axşamı şirkətdən bildiriblər.
Altı yeni təyyarənin əldə edilməsi Azərbaycana "Antonov" və "Tupolev" markalarını dəyişməklə parkını yeniləmək və yeni regional marşrutlar yaratmaq imkanı verəcək.
Şirkətdən əvvəllər bildiriblər ki, AZAL ATR tipli təyyarə istehsal edən Fransa aviaqayırma müəssisəsinə iki ATR - 42-500S və dörd ATR - 72-500S təyyarəsinin alınmasına dair sifariş verib. Müqavilənin ümumi dəyəri təxminən 97,2 mln. dollardır. Bunlar 50-70 yerlik kiçik təyyarələr olacaq.
AZAL ATR markalı beşinci təyyarəni iyulda əldə edib. QSC - dən əvvəllər bildiriblər ki, şirkət tərəfindən üçüncü və dördüncü təyyarələr may və iyun aylarında alınıb. Ötən il Konsern bu istehsalçıdan iki hava gəmisi alıb.
Yeni ART təyyarələri Gəncə, Lənkəran və Zaqatala aeroportları, yaxın xaric ölkələri istiqamətində uçuşlar həyata keçirəcək.
Zaqataladakı aeroport (Azərbaycanın qərb bölgəsi) ötən həftə açılıb, yaxın günlərdə isə Lənkərandakı aeroport (Cənub bölgəsi) işə başlayacaq.
Şirkət öz aviaparkını yeniləmək üçün işlər aparır. QSC yeni Boeing markalı təyyarələr əldə edib. Müqaviləyə əsasən, AZAL 2010 - 2011 - ci illərdə dörd Boeing 737 - 900 ER, 2010 - cu ildə iki 767 - 300 ER 2013 - cü ildə iki 787 - 8S markalı təyyarə əldə edəcək. AZAL - ın rəhbəri Cahangir Əsgərovun əvvəllər bildirdiyinə görə, 2013 - cü ildə 787 - 8S Dreamliner təyyarəsi əldə olunandan sonra ABŞ-a uçuşların həyata keçirilməsi planlaşdırılır.
Hazırda şirkətin balansında altı "Atonov" və "Tupolyev" markalı təyyarələr var. Əsgərov bildirib ki, AZAL beş il ərzində parknı tam olaraq yeniləməyi planlaşdırır.
Məqalə müəllifi ilə əlaqə ünvanı: capital