Azərbaycan, Bakı, 25 noyabr/ Trend , müxbir İ.Xəlilova/ Xarici öhdəliklərin qaytarılması templəri dünya prosesləri fonunda Azərbaycanın bank sisteminin dayanıqlılığını təsdiq edir. 2008 -ci ilin 10 ayı ərzində 900 mln. manat vəsait qaytarılıb, - Azərbaycan Milli Bankı (AMB) İdarə Heyətinin sədr müavini Aftandil Babayev çərşənbə axşamı bildirib.
Bununla yanaşı, sentyabr-oktyabr ərzində ödənilmiş 210 mln. manat bəzi kontragentlərin qlobal böhranla əlaqədar öz borclarını vaxtından əvvəl geri çağırmaları ilə bağlı, qaytarılıb.
Babayevin sözlərinə görə, bu gün Azərbaycan banklarının xarici öhdəlikləri 2,2 mlrd. manat təşkil edir ki, bu da bankların aktivlərinin 25 faizini ötmür. Qazaxıstanda bu göstərici 78 faizə çatır.
Cəlb edilmiş vəsaitlərin yarısı Azərbaycan Beynəlxalq Bankının payına düşür. Beynəlxalq bank qısamüddətli borclar üzrə ödənişləri qrafikə uyğun aparır və son il ərzində 500 mln. dollara yaxın vəsait qaytarıb.
"Dünya böhranının qızğın vaxtında bizim bankımız xarici kreditorlara ümumilikdə 150-160 mln. dollar vəsait qaytarıb, - ABB İdarə Heyətinin sədri Cahangir Hacıyev bir müddət əvvəl bildirib. - Bununla belə, heç kim bunu hiss etməyib - nə bank, nə də müştərilər. Bizim kifayət qədər vəsaitimiz var və passivlərin portfeli diversifikasiya edilib, yəni biz bir mənbədən asılı deyilik".
Onun sözlərinə görə, Beynəlxalq Bank hələ 6-7 il əvvəl qəbul edilmiş və coğrafi diversifikasiyanı nəzərdə tutan siyasətlə hərəkət edir ki, bu da bir müştəridən, məhsuldan və bir bazardan asılılığı götürməyə imkan verir.
Noyabrın 25- nə olan cari mübadilə məzənnəsi -- 0,8079 AZN/USD.
Müəlliflə əlaqə saxlamaq üçün elektron ünvan - [email protected]
