...

Azərbaycanın ödəmə balansının müsbət saldosu beş dəfədən çox artıb

Biznes və iqtisadiyyat xəbərləri Materials 16 Dekabr 2008 16:52 (UTC +04:00)

Azərbaycan, Bakı, 16 dekabr/ Trend , müxbir N.İsmayılova/ Azərbaycan Milli Bankının açıqladığı ödəmə balansına əsasən, 2008-ci ilin yanvar-sentyabrında balansın ümumi müsbət saldosu 5,1 dəfə artaraq 10,8 mlrd. dollara çatıb ki, bu da ÜDM-in 22,8 faizini təşkil edir, - AMB-dən bildiriblər.

Yüksək iqtisadi artım templərinin saxlanması və dünya bazarlarında neftin münasib qiymətləri ödəmə balansı parametrlərinin xeyli yaxşılaşmasına yardım edib. Neft-qaz strategiyasının uğurlu realizəsi ixrac potensialının artmasına gətirib.

Nəticədə, son illərdə müşahidə edilən cari ödəmə balansı hesabı profisiti ötən ilin analoji dövrü ilə müqayisədə 2,5 dəfə artaraq, 2008-ci ilin doqquz ayı ərzində 14,8 mlrd. dollar (ÜDM-in 31,2 faizi) təşkil edib.

Ötən illə müqayisədə, xarici ticarət balansının müsbət saldosu 2 dəfə artaraq, 20,75 mlrd. dollara (ÜDM-in 43,8 faizi) çatıb. Bu arada, kapital və maliyyənin hərəkəti hesabına yaranmış mənfi saldonun maliyyələşdirilməsi nəticəsində, ümumi ödəmə balansı saldosu müsbət olub.

Xarici ticarət dövriyyəsinin ümumi həcmi 2007-ci ilin analoji dövrünün göstəricilərini 71,8 faiz ötərək, cari ilin doqquz ayı ərzində 31,7 mlrd. dollar təşkil edib. Bununla yanaşı, mal idxalı 5,5 mlrd. dollar, ixrac əməliyyatları 26,2 mlrd. dollar həcmində həyata keçirilib.

Hesabat dövrü ərzində 135 ölkə ilə ticarət münasibətləri yaranıb. Ticarət dövriyyəsinin 8,9 faizi MDB ölkələri, 91,1 faizi digər xarici ölkələrin payına düşür. ABŞ, İsrail, Rusiya, Fransa, Türkiyə, Yaponiya, Böyük Britaniya, İndoneziya, Hindistan və Hollandiya ilə intensiv ticarət münasibətləri olub. Azərbaycanın ixrac-idxal əməliyyatlarının 65,7 faizi onların payına düşür.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti