Bu gün Brüsseldə Avropa Birliyinin 27 üzvünün daimi nümayəndələrinin müavinləri Avropanın Rusiya qazı ilə təchizatı məsələsini müzakirə edəcəklər. Bu haqda RİA Novosti agentliyi məlumat yayıb.
Polşa, Rumıniya və Bolqarıstanda Ukraynadan keçən Rusiya qazının həcminin azaldığı qeydə alınıb.
Hazırda "Qazprom"un vitse-prezidenti və Ukraynanın energetika naziri Yuri Prodanın başçılıq etdiyi nümayəndə heyəti AB dövlətlərinə səfərlər edirlər. Onlar ayrı-ayrılıqda avropalılara öz mövqelərinin haqlı olduğunu izah edirlər.