Azərbaycan, Bakı, 23 fevral /Trend capital, müxbir Ü. İsmayılova/ Azərbaycan Dövlət Gömrük Komitəsində ölkə ərazisinə gələn şəxslərdən törənə biləcək təhlükələrin aradan qaldırılması məqsədilə dəhlizlərin tətbiqinə hazırlıq prosesi gedir, - bazar ertəsi Azərbaycan Türk İş adamları Birliyinin (ATİB) iclasında Gömrük Yoxlaması Təşkilatının baş müfəttişi Mail İbrahimov bildirib.
"Qırmızı", "sarı", "yaşıl" və başqa dəhlizlərin tətbiqi nəzərdə tutulub", - deyə İbrahimov qeyd edib.
Onun sözlərinə görə, Komitədə tətbiqinə noyabrın 1-dən başlanan "vahid pəncərə" sisteminə əşya-yük haqqında məlumat göndəriləcək və sonra əşya-yükün hansı dəhlizə məxsus olması müəyyənləşdiriləcək.
Qaçaqmalçılıq faktı və qayda pozuntusu nəzərə alındığı təqdirdə yük və nəqliyyat vasitələri qırmızı dəhlizə göndəriləcək.
"Planlaşdırılmış yenidənqurma işləri nəticəsində sərhəddə vaxt məsrəfi minimuma çatdırılacaq", - İbrahimov bildirib.
Sadələşdirilmiş xüsusi yoxlama rejimi ("yaşıl" və "qırmızı" dəhliz sistemi) vətəndaşların sərhəddən vacib bildirişdə və gömrük vergisində nəzərdə tutulmayan əşyaların və qiymətli şeylərin keçirməsi hallarında tətbiq ediləcək.
ATİB 2004-cü ilin aprel ayında təsis edilib. Təşkilata 91 şirkət daxildir.
Məqalə ünvanı ilə əlaqə ünvanı: [email protected]