Gürcüstan, Tbilisi, 24 fevral/ Trend , müxbir N.Kirtsxaliya/
Gürcüstan Türkiyə üçün mühüm ticarət tərəfdaşıdır. Bu barədə bu gün jurnalistlərə Tbilisidə Türkiyənin xarici siyasət üzrə dövlət naziri Gürşad Tüzmen bildirib.
İdarə rəhbəri bu gün Tbilisinin "Kortiard Merriott" mehmanxanasında start verilən Gürcüstan-Türkiyə biznes-forumunda iştirak edir. Gürcüstan və türkiyəli biznesmenlər birgə işi və Gürcüstan iqtisadiyyatına sərmayə yatırılması məsələlərini müzakirə edirlər. Tükiyədən 150 sahibkardan ibarət böyük nümayəndə heyəti gəlib.
"Biz Gürcüstanın iqtisadi imkanlarından sonadək istifadə etməliyik. Mən əminəm ki, bu ölkənin böyük gələcəyi var və burada xeyli perspektivli layihələr həyata keçirmək olar", - deyə Tuzmen bildirib.
Biznes-forum çərçivəsində Tuzmenin Gürcüstanın Baş naziri Nikoloz Qilauri ilə görüşü nəzərdə tutulub.
Məqalə müəllifi ilə əlaqə ünvanı - [email protected]
