Azərbaycan, Bakı, 30 aprel / Trend , müxbir Ü.İsmayılova /
"Azərbaycan Depozit Sığorta Fondu (ADİF) vasitəsilə sığorta ödəmələrinin maksimal həcmi 8 min manatdan 30 min manata qədər artırılacaq. Bu rəqəm 2010-cu il yanvarın 1-dən etibarən zəmanətli əmanətin həcminə çatacaq", - cümə axşamı parlamentin iqtisadi siyasət üzrə daimi komitəsinin rəhbəri Ziyad Səmədzadə deyib.
"Bu gün Azərbaycan MDB-də belə yüksək səviyyədə əmanət sığortalanması aparılan bəlkə də yeganə ölkədir", - Səmədzadə bildirib.
Onun sözlərinə görə, bu yaxınlarda komitədə nəzərdən keçirilməsi gözlənilən təklif olunan dəyişikliklərdə söhbət hələ ki, yalnız sığortalanan əmanətin maksimal həcmindən gedir. Faiz dərəcələri isə dəyişikliyə uğramayacaq.
2008-ci ilin əvvəlindən etibarən 100 faiz həcmində kompensasiyalar əmanətin məbləğı 6000 manatı ötmədikdə ödənilir. 2010-cu il yanvarın 1-dən etibarən isə bu rəqəmin 8 min manata çatması gözlənilir. "Əmanətlərin sığortalanması haqqında" qanuna əsasən 2008-ci il yanvarın 1-dək dörd min manata qədər əmanətlər fonddan tam şəkildə ötülürdü.
"Əmanətlərin sığortalanması haqqında" qanuna əsasən, Azərbaycan Mərkəzi Bankı uçot dərəcəsindən 1,8 dəfə (üç faiz) artıq olan dərəcəli yeni əmanətlər sığorta fəaliyyəti altına düşmür. Yəni sığortalanan əmanət üzrə faiz dərəcəsi 5,4 faiz ola bilər. Belə əmanətin qəbulu zamanı banklar sığorta fondu tərəfindən ödəmənin olmaması barədə müştərini məlumatlandırmalıdırlar.
Fond bankların birdəfəlik ödəməsi ilə yanaşı, əmanətlər üzrə qalığın 0,125 faizi üzrə təqvim ödəmələri də formalaşdırır. Bankların müştəriləri əmanətlərinin sığortalanması üçün ödəmələrdən azaddırlar.
Kompensasiyalar sığorta hadisəsi zamanı ödənilə bilər. Bunlar bankın ləğvi və ya müflisləşməsi, əmanət öhdəliklərinin yerinə yetirilməsinə moratoriumun qüvvəyə minməsi halında baş verə bilər. Müflisləşmiş bankın əmanətçisi bir il ərzində sığorta fonduna müraciət edə bilər. O da öz növbəsində ərizənin təqdim olunduğu gündən etibarən 90 günə qədər kompensasiyanı ödəməlidir. Ümumiyyətlə, əmanətçi beş il ərzində kompensasiya almaq hüququna malikdir.
Fond fəaliyyətinə 2007-ci il avqustun 13-də başlayıb.
Aprelin 30-na olan rəsmi məzənnə 0,8034 AZN/USD təşkil edir.
Məqalə müəllifi ilə əlaqə ünvanı: [email protected]