Azərbaycan, Bakı, 20 may / Trend /
Azərbaycanın mobil rabitə operatoru "Azercell Telecom" mayın 12-dən etibarən Data Paketləri üzrə mövcud olan paketlər siyahısına 100 MB və 1GB GPRS paketləri də əlavə edib.
Şirkətin məlumatında bildirilir ki, abonentlər bu GPRS paketlərini sərfəli qiymətlərlə əldə edəcəklər. Belə ki, 100 MB-lıq GPRS paketi 10 AZN, 1 GB GPRS paketi isə cəmi 40 AZN qiymətindədir. GPRS - 60MB paket ləğv olunaraq GPRS - 100MB-la əvəz olunacaq.
"Azercell Telecom" MMC bir ay bundan əvvəl Data Paketləri üzrə verilən meqabaytların (MB) həcmini artırıb. Əvvəlki tariflər qalmaqla indi Azercell fakturalı xətt abonentləri 25 MB GPRS paketinin əvəzinə 30 MB, 50 MB GPRS paketi əvəzinə 60 MB və müvafiq olaraq 150 MB GPRS paketində 300 MB əldə edirlər.
"Azercell Telecom" Azərbaycanın iri mobil rabitə operatorudur və 3,5 milyondan çox abunəçiyə xidmət göstərir.