Azərbaycan, Bakı, 22 may / Trend /
2008-ci ilin doqquz ayının yekunu üzrə MDB və Baltik ölkələrinin dəmir yol şəbəkələri üzrə daşımalar 2,8 faiz, beynəlxalq nəqliyyat üzrə isə 5,2 faiz artıb. Bu rəqəmlər Minskdə, MDB-nin iştirakçı dövlətlərinin Dəmir Yolu Nəqliyyatı Şurasının 50-ci iclasının açılışda səsləndirilib. Bu barədə RJD - Partner yazır.
2009-cu ilin birinci rübündə 414,3 mln. ton yük daşınıb ki, bu da əksər dəmir yolu administrasiyaları tərəfindən yerinə yetirilən aylıq plan məbləğinin 101,8 faizini təşkil edir.
Cari ilin birinci rübündə beynəlxalq nəqliyyat ilə yük daşınması ümumi daşınma həcminin 17 faizini təşkil edib və faiz nisbətində 2008-ci ilin birinci rübü səviyyəsində qalıb. Bu cür daşımaların nisbi artımı Azərbaycan, Maldova, Rusiya, Türkmənistan, Latviya və Estoniyanın dəmir yol administrasiyaları tərəfindən təmin olunub.
İclas iştirakçıları 2008-ci il və 2009-cu ilin birinci rübü ərzində MDB və Baltik dəmir yolu şəbəkələrinin istismar işlərinə yekun vurublar.
Dünya maliyyə böhranı ilə bağlı olaraq istehsalın aşağı düşməsi 2008-ci ilin dördüncü rübündə (ümumilikdə dəmir yolu şəbəkəsi üzrə daşımalar 16 faiz azalıb) yükdaşımaların həcmində mənfi əksini tapıb.
Ümumilikdə, 2007-ci illə müqayisədə 2008-ci ildə MDB və Baltik dəmir yolu şəbəkələri ilə daşımalar 1,8 faiz, yerli nəqliyyat vasitəsilə daşımalar isə 2,8 faiz azalıb.
Yük dövriyyəsi 1,3 faiz artıb, yük daşımalarının orta uzaqlığı 2,8 faiz artıb.
Konteynerlərə ümumi yük yükləmə 3,9 faiz azalıb, eyni zamanda iri tonnajlı konteynerlərin yüklənməsi 2,3 faiz artıb.
2008-ci ilin yanvar-fevral ayları ilə müqayisədə 2009-cu ilin analoji dövründə dəmir yolu şəbəkəsi ilə daşımalar ümumilikdə, 24 faiz azalıb, yanvar-fevralda yük dövriyyəsi 27,3 faiz və daşımaların uzaqlığı 0,8 faiz azalıb. Bununla yanaşı 2009-cu ilin birinci rübündə əksər dəmir yolu admnistrasiyalarında daşıma həcminin artım tendensiyası qeydə alınıb, yanvar ilə müqayisədə martda onların həcmi 19,9 faiz artıb.
2009-cu ilin birinci rübündə konteynerlərin yüklənməsi 22 faiz azalıb. Bununla yanaşı 2009-cu ilin birinci rübündə konteynerlərin yüklənməsi həcmi 34,5 faiz, o cümldən iri tonnajlı yüklərin yüklənməsi həcmi 24 faiz artıb.
İclasda Şuranın üzvləri, Azərbaycan, Ermənistan, Belarus, Gürcüstan, Qazaxıstan, Qırğızıstan, Moldova, Rusiya, Tacikistan, Türkimənistan, Özbəikstan və Ukraynanın dəmir yol administrasiyalarının rəhbərləri, Şuranın assosiativ üzvləri - Bolqarıstan, Latviya, Litva, Estoniya və Finlandiyanın dəmir yolu administrasiyaları rəhbərləri, həmçinin Dəmir Yol Nəqliyyatı Şurası Direksiyasının sədri iştirak edib.
Birlik ölkələrinin Dəmir Yolu Nəqliyyatı Şurası və onun icra orqanı - Şura Direksiyası 1992-ci il 14 fevral tarixində dövlətlərarası sabit iqtisadi əlaqələrin təmin edilməsi, onların möhkəmləndirilməsi və MDB iştirakçı dövlətlərinin, hökumət rəhbərlərinin Sazişi ilə, vahid iqtisadi məkanda inkişaf etdirilməsi məqsədi ilə yaradılıb.